Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla
U lesie pad Bychavam uračysta adkryli pomnik na miescy, dzie ŭ 1960 hodzie znajšli kremnievaje skrebła, zroblenaje nieandertalcam. Mienavita tut archieołah Leanid Pobal znajšoŭ pryładu pracy muśćierskaj epochi (kala 40 tysiač hadoŭ da našaj ery), jakoj pieršabytnyja ludzi apracoŭvali škury žyvioł, piša Mayday.team.
Pomnik, jaki zakazali ŭ ahienctvie rytualnych pasłuh, pastavili va ŭročyščy Krasnaja Horka. Na adkryćcio pryjechała deputatka Pałaty pradstaŭnikoŭ Alaksandra Michiejenka, jaje supravadžaŭ staršynia Bychaŭskaha rajsavieta Viačasłaŭ Sidarenka. Jany razam pierarezali čyrvonuju stužku.
Čynoŭniki śćviardžajuć, što kamień, jaki vyhladaje jak nadmahille i staić u lesie na kvadratnym učastku z tratuarnaj plitki, «arhanična ŭpisvajecca ŭ pryrodny łandšaft». Michiejenka taksama adznačyła, što pomnik moža stać dadatkovaj turystyčnaj admietnaściu dla Bychaŭskaha rajona.
Sam artefakt — toje samaje skrebła — užo šmat hadoŭ zachoŭvajecca ŭ Nacyjanalnym histaryčnym muziei ŭ zale archieałohii. Čamu pra jaho ŭspomnili tolki ciapier, nichto dakładna nie tłumačyć.
Zhareła adna z kultavych «sinich cerkvaŭ» Bieraściejščyny
Pamiatajecie zarosłuju mahiłu akademika Karskaha? Moładź ź Biełarusi apłaciła jaje ŭparadkavańnie
Na Brestčynie znoŭ šukajuć mahčymaści pazbavić pryhaženny pomnik achoŭnaha statusu. Zahad pastupiŭ źvierchu
Na płoščy Jakuba Kołasa ŭ Minsku prybrali znakamituju tratuarnuju plitku z vasilkami
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary