U redakcyju sajta «Biełka» źviarnułasia čytačka. «Raz na miesiac u mianie zdarajecca mocny prystup mihreni, jaki doŭžycca sutki i bolš. Kali ja pryjdu na pryjom da terapieŭta, mnie vypišuć balničny?» — cikavicca hamialčanka.
U Homielskaj haradskoj kliničnaj paliklinicy №9 stanoŭča adkazali na hetaje pytańnie, piša belkagomel.by.
«Prystup mihreni moža pazbavić čałavieka pracazdolnaści. Tamu ŭrač maje prava vydać listok niepracazdolnaści na pieryjad, pakul doŭžycca vostry stan. Zvyčajna heta dzień abo dva.
Źviarnucca možna da doktara ahulnaj praktyki abo da nieŭrołaha. Śpiecyjalist nie tolki aformić listok niepracazdolnaści, ale i pryznačyć lačeńnie, jakoje dapamoža spynić prystup. Ciapier dla hetaha jość śpiecyjalnyja preparaty», — udakładniła doktar-terapieŭt, zahadčyca adździaleńnia prafiłaktyki Volha Hajkievič.
Śpiecyjalist nazvała i inšyja vypadki, kali možna ŭziać «karotki» balničny. Padstavaj moža być hipiertaničny kryz, jaki spynili, i stan pacyjenta stabilny. Jašče adzin prykład — prystup epilepsii. Tut biez vykliku chutkaj dapamohi zvyčajna nie abyścisia, ale paśla jaje pryjezdu pacyjent moža źviarnucca ŭ palikliniku pa balničny na dzień-dva.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary