Čaćviortaja častka «Pirataŭ» — kinaopiera pryhodaŭ, dzie Džoni Dep zalacajecca da Pieniełopy Kruz.
Piraty Karybskaha mora: Na dziŭnych bierahach (Pirates of the Caribbean: On Stranger Tides)
ZŠA, 2011, kalarovy, 137 chv, 3D
Režysior: Rob Maršał
Roli vykonvajuć: Džoni Dep, Pieniełopa Kruz, Džefry Raš, Jan MakŠejn, Kievin MakNali, Astryd Bierhies-Fryźbi, Sem Kłaflin, Ryčard Hryfits
Žanr: Kinaopiera pryhodaŭ
Adznaka: 7 (z 10)
Kapitan Džek Vierabiej, zachopleny byłoj pasijaj Anžalikaj, adpraŭlajecca na pošuki krynicy viečnaje maładości. Razam z hierojami krynicu šukajuć kankistadory j stary «siabra» Vierabja — adnanohi pirat Barbosa, jaki pierajšoŭ na słužbu da anhielskaha karala.
Čaćviortaja častka «Pirataŭ» — kinaopiera pryhodaŭ,padparadkavanaja muzycy Hansa Cymiera. Strachaludzstvy j dzivosy źmienšylisia (chacia stvaralniki radujuć nas zvabna-drapiežnymi rusałkami). Siužet zrabiŭsia praściejšym. Kolišniaja chulihanskaja niepryčasanaść apranułasia ŭ hanarovyja šaty. Uračysta-šykoŭnyja kaściumy, balustrady, čyścieńkaja vajennaja forma, paryki — mienavita takoje azdableńnie pasuje opieram.
I ŭ hetym uźniosłym śviecie — piraty. Hrateskna-humarnyja žesty, žarty, ekskapada trukaŭ, kab ściahnuć u karala bułačku, chareahrafija fiechtavańnia.
Džoni Dep davieŭ da hienijalnaści techniku raźvinčanaje «pirackaj» maryjanietki;a Pieniełopa Kruz stvaraje jamu mieładramna-daścipnuju paru.
Ale zabaŭlalnaja karcina Roba Maršała najbolšuju asałodu dastavić hledačam z dobrym muzyčnym słycham.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary