Мілінкевіч: «Заявы Лукашэнкі ўсім ужо абрыдлі»
Прымаючы дэлегацыю расейскіх журналістаў, Аляксандар Лукашэнка заявіў, што ў Беларусі можна свабодна набыць любую незалежную прэсу. Адказваючы на пытаньне, кім ён бачыць сябе па-за палітыкай, ён заявіў: «Калі ня буду прэзыдэнтам, то й займацца нічым ня буду». Ён таксама пужаў прыходам да ўлады нацыяналістаў («Адзіны кандыдат ад апазыцыі — гэта чалавек зь Беларускага Народнага Фронту») і гаварыў пра інфармацыйныя войны супраць сябе. А.Мілінкевіч адрэагаваў на заявы ў той жа дзень: «У Расеі ўжо пачынаюць разумець, што Беларусь — гэта ня толькі і ня столькі Лукашэнка і яго атачэньне. У Беларусі ёсьць палітыкі прадказальныя і пасьлядоўныя, за якімі стаіць народ і якія будуць весьці з Расеяй дыялёг, бяз крыкаў і шантажу». А заявы Лукашэнкі пра тое, што нехта вядзе зь ім інфармацыйныя войны, «ужо ўсім абрыдлі».
❏
Беларуская вышыня
У новым рэйтынг-лісьце Міжнароднай фэдэрацыі футболу Беларусь узьнялася на рэкорднае для сябе 59-е месца, скочыўшы за месяц на 11 прыступак уверх. Посьпех дасягнуты дзякуючы перамозе 12 лістапада ў таварыскай гульні з Латвіяй. Узначальвае ж сьпіс з 205 камандаў зборная Бразыліі.
АР, belapan.com, fifa.com
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары