Нобелеўская лаўрэатка па літаратуры Святлана Алексіевіч падпісала сваю кнігу «У вайны не жаночае аблічча» астравецкаму асветніку і былому мытніку Алесю Юркойцю, які асуджаны на сем гадоў турмы за хабар, піша Радыё Свабода.
«Дарагі Алесь, сілы і веры вам у сябе і будучыню», — напісала Святлана Алексіевіч.
Здымак аўтографа змясціў у фэйсбуку літаратуразнавец Сяргей Шапран.
У верасні 2017 года краязнаўца Алесь Юркойць быў пакараны 7 гадамі пазбаўлення волі па справе ашмянскіх мытнікаў, якіх абвінавацілі ў стварэнні арганізаванай злачыннай групы.
Паводле інфармацыі, распаўсюджанай КДБ, супрацоўнікі Ашмянскай мытні прапускалі праз мяжу з Літвой тавары без належнага афармлення, за што атрымлівалі сумы ад 250 да 3000 даляраў. Падчас ператрусаў дома ў мытнікаў было знойдзена больш за 2,2 мільёна даляраў наяўнымі. Заяўлялася, што колькасьць абвінавачаных дасягнула амаль 60 чалавек.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары