Для былога прэзідэнта Грузіі і былога губернатара Адэскай вобласці Міхаіла Саакашвілі знайшлі іншы фармат працы ва ўкраінскай уладзе. Пра гэта паведаміў старшыня фракцыі «Слуга народу» Давід Арахамія, піша «Українська правда».
«Галасоў [за прызначэнне Саакашвілі віцэ-прэм'ерам] хапае, але Саакашвілі ў апошнія некалькі дзён вёў працяглыя кансультацыі з прэзідэнтам, і яны знайшлі іншы фармат, у якім яны будуць працаваць. Новая пасада», — сказаў Арахамія.
Ён адмовіўся гаварыць, пра якую менавіта пасаду ідзе гаворка, патлумачыўшы, што «гэта ініцыятыва прэзідэнта».
Пра новы фармат працы з Саакашвілі паведамяць або 30 красавіка, або ў пачатку наступнага тыдня.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары