Віктар Пракапеня пра каранцін: Пажылых людзей трэба дыстанцыяваць законам. І не трэба казаць па тэлевізары, што ў нас «усё нармальна»
Такую думку вядомы беларускі бізнэсмен, заснавальнік VP Capital Віктар Пракапеня выказаў у інтэрв'ю Tut.by, адказваючы на пытанне, чаму Лукашэнка не ідзе на больш рашучыя крокі, бо чым далей, тым больш яўна: гэты крок, увядзенне ці не ўвядзенне жорсткіх мер для запаволення распаўсюджвання віруса, мае беспрэцэдэнтна сур'ёзныя наступствы. Чаму Беларусь аказалася белай варонай? І ці не акажацца эканамічны выйгрыш (калі мы ўсё ж такі выйграем, не спыніўшы эканоміку) занадта дарагім?
«Вось рэальная сітуацыя, — кажа Пракапеня. — Хлопцу 23 гады, працуе кіроўцам хуткай дапамогі, жыве з шасцідзесяцігадовай маці, якая кожны дзень ездзіць на працу ў грамадскім транспарце. Якая верагоднасць, што яна захварэе? Можна доўга разважаць пра асаблівасці каранціну і пра тое, якая мадэль больш эфектыўная — шведская, англійская ці яшчэ нейкая
— але пажылых людзей, людзей у зоне рызыкі ўжо сапраўды трэба дыстанцыяваць законам. І дакладна не трэба казаць, што «ўсё нармальна і пад кантролем» па тэлевізары, аўдыторыя якога ў нас — на 90% пенсіянеры.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося33
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1111
Каментары