Журналістку Tut.by Кацярыну Барысевіч перавялі ў СІЗА на Валадарскага. Але лісты ёй не даходзяць
Восьмыя суткі наша калега Кацярына Барысевіч знаходзіцца ў следчым ізалятары. Амаль тыдзень была ў СІЗА КДБ, цяпер яна ў спісах СІЗА №1 на Валадарскага. Кацярына паведамляе ў лістах, што стараецца трымацца. Яна атрымала ад родных першую перадачу з адзеннем і прадуктамі. Нам вядома, што многія ёй пішуць, але на жаль, пакуль лісты ёй амаль не даходзяць, піша Tut.by.
Тыдзень таму, у чацвер 19 лістапада, Кацярына Барысевіч была затрыманая супрацоўнікамі ў цывільным і масках, якія пасля ператрусу ў кватэры павезлі яе ў невядомым кірунку. Крыху пазней Кацярына паведаміла дачцэ і калегам, што яна ў СІЗА КДБ, а 20 лістапада адбудзецца першы допыт.
Генпракуратура завяла крымінальную справу па факце выдавання медыцынскай таямніцы, што пацягнула цяжкія наступствы (ч.3 арт. Гаворка ідзе пра стан загінулага Рамана Бандарэнку, Кацярына была аўтарам артыкула, дзе паказвалася, што ў яго Крыві не было алкаголю. Другі фігурант — доктар-анестэзіёлаг Арцём Сарокін. З адвакатаў журналісткі ўзялі падпіску пра неразгалашэнне, таму падрабязнасцяў крымінальнай справы мы не ведаем.
Аднак з сюжэту на СТБ стала зразумела, што папярэдняе расследаванне вядуць супрацоўнікі Генеральнай пракуратуры. Па законе Генеральная пракуратура мае права як накіраваць справу для расследавання ў следчыя органы (Следчы камітэт або Камітэт дзяржаўнай бяспекі), так і самастойна праводзіць папярэдняе следства «у мэтах забеспячэння ўсебаковага, поўнага і аб'ектыўнага даследавання абставін крымінальнай справы» (арт.34 КПК), апошняе бывае вельмі рэдка.
Амаль тыдзень Кацярына знаходзілася ў следчым ізалятары КДБ, аднак нядаўна яна з'явілася ў спісах СІЗА № 1 на вуліцы Валадарскага. Тут бытавыя ўмовы горшыя.
На днях родныя і калегі журналісткі атрымалі першыя лісты ад яе, самой Кацярыне перадалі пакуль толькі адзін ліст. З чым гэта звязана, пакуль невядома, дзясяткі людзей ужо адправілі лісты журналістцы. Па законе, супрацоўнікі следчага ізалятара ўручаюць лісты і тэлеграмы не пазней чым у трохдзённы тэрмін з дня паступлення ліста, за выключэннем святочных і выхадных дзён.
Адрас для лістоў для Кацярыны Барысевіч: СІЗА №1 г. Мінска, 220050, вул. Валадарскага, 2 (Барысевіч Кацярыне Анатольеўне).
29 лістапада заканчваецца 10 сутак з моманту затрымання Кацярыны. Да гэтага тэрміну ёй павінна быць прад'яўленае абвінавачванне (у прысутнасці абаронцы) і прынята рашэнне аб меры стрымання.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары