Беларускі партал Tut.by атрымаў Міжнародную прэмію імя Паўла Шарамета. Такое рашэнне прыняў Кіруючы камітэт Форуму грамадзянскай супольнасці Усходняга партнёрства.
Прэміяй імя Шарамета чацвёрты год запар узнагароджваюць за смеласць і адданасць журналісцкім стандартам прадстаўнікоў СМІ з краін — членаў Усходняга партнёрства. Прэмія будзе ўручаная Tut.by падчас 12-й штогадовай Асамблеі, якая пройдзе 8 снежня ў Бруселі.
Узнагарода названая ў гонар загінулага ў ліпені 2016 года журналіста Паўла Шарамета «ў знак прызнання яго выдатнага ўкладу ў справу прасоўвання пытанняў аб правах чалавека і свабоды слова».
Нагадаем, што журналістка Tut.by Кацярына Барысевіч была затрыманая 19 лістапада каля свайго дома. Яна пісала артыкул пра Рамана Бандарэнку. Спачатку Кацярына была ў СІЗА КДБ, потым яе перавялі ў СІЗА на Валадарскага. Імаверна, што ёй выстаўлена абвінавачванне, але з адваката ўзялі падпіску аб неразгалашэнні.
Вядома, што Генпракуратура раней распачала крымінальную справу па факце выдавання медыцынскай тайны, што пацягнула цяжкія наступствы (ч. 3 арт. 178 КК). Гаворка ідзе пра стан загінулага Рамана Бандарэнкі. Кацярына была аўтарам артыкула, дзе паказвалася, што ў яго крыві не было алкаголю. Сваякі Рамана прэтэнзій да СМІ і медперсаналу не выказвалі, маці дала згоду на распаўсюд інфармацыі аб стане сына.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары