У дом на Чыгуначнай прыйшлі сілавікі. Паведамляюць пра затрыманне гісторыка Андрэя Мацука
У доме на Чыгуначнай, 44 у Мінску праходзяць ператрусы ў кватэрах, паведамляе Tut.by.
Раніцай жыхары дома заўважылі невядомыя машыны ў двары. Высветлілі, што ў доме мінімум у тры кватэры прыйшлі сілавікі.
Па словах відавочцы, аднаго з мясцовых жыхароў выводзілі з пад'езда ў бус, прыпаркаваны каля дома. А з боку крамы «Славянскі» пад рукі адвялі мужчыну, што было з ім далей — невядома.
— Людзі напалоханыя і напружаныя, усе баяцца выйсці, — кажа сведка.
Паводле яго слоў, двор у іх актыўны, на вокнах ёсць сімволіка, на вуліцы — муралы, людзі завязваюць стужачкі на плоце. Учора ў двары бачылі міліцыянтаў, але затрыманняў не было.
Адна з невядомых машын застаецца ў двары.
«Белсат» раней паведаміў аб затрыманні гісторыка Андрэя Мацука, які жыве ў гэтым доме. Дзе ён і ў якім статусе, невядома. Раней Мацука ўжо затрымлівалі ў канцы верасня, ён быў асуджаны на 13 сутак па артыкуле 23.34 КаАП.
Мацук — адзін з самых аўтарытэтных беларускіх спецыялістаў па гісторыі ВКЛ 18-га стагоддзя. З ім не працягнулі кантракт у Інстытуце гісторыі.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца2
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары