Барнукова пра прапановы КДК: Гэта шкодніцтва. Эканамісты ўрада здзьмуліся
Эканамісты абмяркоўваюць прапановы КДК па «ўдасканальванні сістэмы падаткаабкладання ІП».
Чытайце: КДК прапануе такія змены ў падаткаабкладанне ІП, што лёс малога бізнэсу выглядае бязрадасна
Сваё меркаванне для «Нашай Нівы» выказала Кацярына Барнукова, акадэмічная дырэктарка Беларускага эканамічнага даследча-адукацыйнага цэнтра (BEROC).
«Дзеля прыкрыцця схем, якімі займаюцца адзінкі, улады хочуць ускладніць дзейнасць 250 тысячам ІП. Многія з іх спыняць работу, бо большасць іпэшнікаў усё ж мае невялікія прыбыткі. У нас стане больш беспрацоўных. Іншыя ўключаць у цану павышаныя падаткі, што пацягне падаражанне многіх тавараў і паслуг для насельніцтва.
Прыняцце гэтых прапаноў стане сігналам для ўсяго астатняга бізнэсу, што эканамічнае крыло ўрада, якое апошнія 10 год спрабавала праводзіць марудную лібералізацыю эканомікі, здзьмулася.
Замест эканамістаў эканомікай пачынаюць займацца сілавікі, якія бачаць у бізнэсе не падмурак дабрабыту, а падатковую базу ці спекулянтаў.
Тое, што ёсць прапановы ціску на ІП, знізіць інвестыцыйныя настроі для ўсяго бізнэсу яшчэ да таго, як гэтыя новаўвядзенні набудуць моц.
Гэта шкодніцтва для беларускай эканомікі, якая і так перажывае не лепшыя часы», — лічыць Барнукова.
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый67
Каментары