«Мікалай абсалютна такі ж, які быў. Спакойны, ураўнаважаны», — Марына Адамовіч расказала пра спатканне з мужам
15 снежня Мікалаю Статкевічу дазволілі спатканне з жонкай Марынай Адамовіч.
Спатканне прайшло ў СІЗА-3 Гомеля. Калі Статкевіча перавязуць у калонію ў Глыбокім, пакуль невядома. Як расказала Адамовіч у размове са «Свабодай», прысуд у выглядзе 14 гадоў калоніі асаблівага рэжыму на настрой мужа ніяк не паўплываў.
«Я ні хвіліны не сумнявалася, што сустрэнуся з такім жа, добра вядомым мне Мікалаем, — кажа Марына Адамовіч. — Колькі б мы ні былі ў расстанні, пры сустрэчы адчуванне, што не развітваліся ні на хвіліну. Нічога ў ім не памянялася. Мікалай абсалютна такі ж, які быў. Спакойны, ураўнаважаны, перакананы, што гэта ўсё працягнецца вельмі нядоўга».
Спатканне праходзіла ў кабінцы, асобна ад іншых вязняў і іх родных. У Гомельскім СІЗА-3 Статкевіч з мая. Большую частку гэтага часу ён правёў у адзіночнай камеры, з працэсу суддзя яго выдаліў на трэці дзень.
«Для Мікалая не было сюрпрызам тое, што ў яго будзе асаблівы рэжым, — расказвае Марына Адамовіч пра стаўленне Статкевіча да прысуду. — Для яго зразумела, што гэта такая закамуфляваная форма турмы. Спакойна паставіўся. Сказаў, што, верагодней за ўсё, таксама будзе настойваць на адзіночнай камеры для сябе. Абсалютна не хоча, каб побач з ім разьмяшчалі, так скажам, спецыяльна навучаных людзей, якія будуць пісаць кіраўніцтву дакладныя».
Ціханоўскі павярнуўся да суддзі спінай, Статкевіч крыкнуў «Жыве Беларусь». Як агучвалі прысуд у СІЗА-3 Гомеля
Ціханоўскаму — 18 гадоў, Лосіку — 15, Статкевічу — 14. Вынесеныя жахлівыя прысуды па «справе Ціханоўскага»
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары