У Мінску да канца года адкрыюць першую суперхуткую зарадку для электрамабіляў
Першы суперхуткі зарадны комплекс для электрамабіляў з'явіцца ў Мінску да канца года. Ён павінен запрацаваць на разваротным коле ў мікрараёне Брылевічы, паведаміла «Беларуснафта».
Як распавёў начальнік упраўлення перспектыўных энергетычных тэхналогій цэнтральнага апарата кампаніі «Беларуснафта» Аляксей Нікіценка, у канцы гэтага года плануецца ўрачыстае адкрыццё суперхуткага зараднага комплексу (СБЗК) агульнай магутнасцю 700 кВт у Мінску на разваротным кальцы ў мікрараёне Брылевічы.
«Гэта першы асобна размешчаны комплекс, які не мае аналагаў ні ў нашай краіне, ні на тэрыторыі СНД», — удакладніў суразмоўца.
Паводле слоў спецыяліста, сярод асноўных пераваг комплексу — зарадка электробусаў адначасова з электрамабілямі на высокай магутнасці, сістэма назапашвання энергіі, крама безаператарнага гандлю, укараненне сістэм «разумнага горада».
ЭлектраАЗС дазволіць зараджаць электробус і восем аўтамабіляў. Пры гэтым магутнасць зараду будзе дзяліцца дынамічна з прыярытэтам для электробуса.
Таксама «Беларуснафта» праектуе восем суперхуткіх зарадак, якія будуць уведзены ў эксплуатацыю ў 2023 годзе. Мяркуецца, што тры з іх з'явяцца ў Мінску, дзве ў Гродне і яшчэ тры — на трасе М1.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары