27 сакавіка беларускаму мастаку Захару Кудзіну споўнілася б 37 гадоў. У памяць пра яркага і самабытнага аўтара беларускага сучаснага мастацтва 24 сакавіка ў Мінску ў галерэі DK адкрыецца выстава яго работ Untitled, піша Reform.by.
У экспазіцыі будуць прадстаўленыя жывапіс і графіка мастака 2007-2017 гадоў. Куратаркай і арганізатаркай выставы выступіла Наталля Кудзіна, маці Захара.
Стваральнік нейра-арта Захар Кудзін нарадзіўся ў 1986 годзе ў Мінску. Пасля заканчэння мастацкай вучэльні ў Беларусі ён з 2011 па 2013 гады жыў і падарожнічаў па ЗША, вывучаючы амерыканскае арт-асяроддзе. Пасля вяртання ў Беларусь уліваецца ў калектыўныя праекты, супрацоўнічае з галерэямі, робіць персанальныя выставы. Кудзін — самы малады мастак, чыя праца знаходзіцца ў калекцыі Нацыянальнага мастацкага музея Беларусі. Аднак у снежні 2019-га ён прыняў рашэнне аб сыходзе з жыцця. На гэты момант спадчынай мастака займаюцца яго маці і блізкія.
Адкрыццё выставы Untitled адбудзецца ў мінскай галерэі DK (Герцэна, 2а) заўтра (24 сакавіка) у 19.00.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары