Абмежаванні для беларусаў і расіян у Літве плануюць пакінуць у сіле, але не ўсе
29 сакавіка парламенцкі Камітэт па нацбяспецы і абароне Літвы ўхваліў змякчэнне абмежаванняў для расіян і беларусаў, прадугледжана больш выключэнняў. У чацвер па прадстаўленых законах парламент будзе галасаваць апошні раз, піша Delfi.lt.
Праект законаў быў ухвалены парламентам у першым чытанні. Дэпутаты ўхвалілі абмежаванне правоў расіян і беларусаў на ўвоз і вываз з тэрыторыі Літвы наяўных грошай, забарону ўвозу ўкраінскіх грыўняў. Дэпутаты таксама падтрымалі прапанову фракцыі Партыі свабоды дазволіць больш шырокаму колу грамадзян Расіі купляць нерухомасць у Літве (тым, у каго ёсць часовы або пастаянны дазвол на жыхарства ў Літве) і прымаць нерухомасць у спадчыну.
Члены камітэта таксама падтрымалі прапанову Ёнаса Яруціса адтэрмінаваць уступленне ў сілу абмежавання на выдачу часовага дазволу на жыхарства беларусам да 1 ліпеня 2023 года.
«Гэта звязана з бізнэсам. У Літве больш за 50% кіроўцаў-дальнабойшчыкаў — грамадзяне Беларусі. Некаторыя, іх больш за тысячу, стаяць у чарзе на курсы, якія дазваляюць працаваць у ЕС і ў Літве кіроўцамі. Гэта было б сур'ёзнай праблемай і цяжарам для літоўскага транспартнага сектара, якому і без таго не хапае кіроўцаў», — сказаў Яруціс.
Больш дыскусій выклікала пытанне прыпынення прыёму заявак на атрыманне літоўскага грамадзянства.
Нягледзячы на заўвагі, члены камітэта ўхвалілі прапанову кіраўніка камітэта Лаўрынаса Кашчунаса пакінуць гэтае абмежаванне ў сіле.
Праўда, будзе больш выключэнняў: калі чалавек адказвае патрабаванням закона аб натуралізацыі і ёсць інфармацыя, што ён не ўяўляе пагрозы для нацбяспекі і грамадскага парадку; калі ў чалавека ёсць права на аднаўленне грамадзянства ў адпаведнасці з дзейнымі законамі і ёсць інфармацыя, што ён не ўяўляе пагрозы для нацбяспекі і грамадскага парадку; падаецца заяўка аб адмове ад грамадзянства Літвы або рашэнне аб пазбаўленні грамадзянства прымаецца, калі чалавек атрымаў грамадзянства іншай краіны. Лібералы прапаноўвалі не абмяжоўваць прыём заявак на грамадзянства ад беларусаў і расіян, але гэтая прапанова была адхілена.
Дарадца прэзідэнта Літвы пра абмежаванні для беларусаў: Падчас вайны гэта неабходна
Офіс Ціханоўскай пракаментаваў новы закон, які могуць прыняць па беларусах у Літве
Беларусам могуць забараніць выдачу віз і дазволаў на жыхарства ў Літве. Новы законапраект у пытаннях і адказах
У Літве хочуць прыпыніць прыём заяў на грамадзянства ад беларусаў і расіян
Цяпер чытаюць
«Яна забрала дзяцей і вярнулася ў Мінск»: гісторыя беларуса, які эміграваў у Барселону з сям'ёй, а застаўся адзін10
Каментары
Гарызонт планавання канешне ў іх моцны. А дзе яны будуць шукаць кіроўцаў праз 6-8-10 месяцаў? Ды і відаць падаткі ад бел ІТ кампаніі ім больш не патрэбны? Ды і самі яйцішнікі з іх шалёнымі зарплатамі з якіх ідуць падаткі, а самі грошы яны таксама спускаюць у Літве.
Ніколі не думаў, што Літва настолькі заможная краіна, каб такое сабе дазволіць.
Назло маме отморожу уши ©
Мяркую, што палякі будуць вельмі ўдзячнымі за такія крокі сусудзяў. Як выглядае яны цалкам не супраць, каб да іх ехалі працавітыя, адукаваныя людзі і інвеставалі грошы ў эканоміку і плацілі там падаткі