За тыдзень з Беларусі паехала пяць эшалонаў з расійскімі «мобікамі» — «Супольнасць чыгуначнікаў»
Цягам гэтага тыдня была заўважана перадыслакацыя мабілізаваных расійскіх вайскоўцаў, якія праходзілі падрыхтоўку на палігонах Беларусі, паведамляе «Супольнасць беларускіх чыгуначнікаў».
Вайсковыя эшалоны адпраўляліся з Беларусі ў Варонежскую вобласць.
Так, напрыклад, 5 ліпеня са станцыі Палонка пад Баранавічамі на станцыю Маслаўка ў Ліскінскім раёне Варонежскай вобласці быў адпраўлены вайсковы эшалон №961, у складзе якога знаходзілася 43 вагоны (пяць пасажырскіх на прыблізна 250 чалавек), чатыры крытыя (з рыштункам), 34 вагона-платформы (з пагружанай вайсковай тэхнікай). Прыбыць на месца гэты цягнік меў 7 ліпеня.
Акрамя гэтага эшалона, на гэтым тыдні ў той жа рэгіён накіравалася яшчэ чатыры цягнікі: 3 ліпеня з той жа Палонкі і са станцыі Лясная пад Баранавічамі, а 4 ліпеня — з Асіповічаў і Івацэвічаў.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары