Падзякаваўшы прысяжным, суддзя Луіс Каплан даў ім такую параду: «Ніколі не раскрывайце, што вы былі сябрамі гэтай калегіі прысяжных. Больш нічога я пра гэта казаць не буду».
Прысяжныя ў Нью-Ёрку разгледзелі пазоў аб паклёпе пісьменніцы Джын Кэрал да экс-прэзідэнта ЗША Дональда Трампа і прысудзілі яму выплаціць ёй 83,3 мільёна даляраў, піша Бі-бі-сі.
Гэтая сума складаецца з кампенсацыі рэпутацыйнай шкоды (11 млн даляраў), эмацыйнай шкоды (7,3 млн даляраў) і штрафу 65 млн даляраў, якія адвакаты Кэрал прасілі прызначыць, каб прымусіць палітыка спыніць яго нападкі на пазоўніцу.
Трамп быў раней прызнаны вінаватым у замаху на Кэрал у 1990-я. Новы пазоў аб дыфамацыі быў пададзены з-за зробленых ім у 2019 годзе заяваў, якія абвінавачвалі яе ў хлусні.
Прысяжныя, чые імёны дзеля іх бяспекі не раскрываюцца, раіліся тры гадзіны і вынеслі сваё рашэнне аднагалосна
Падзякаваўшы прысяжным, суддзя Луіс Каплан даў ім такую параду: «Ніколі не раскрывайце, што вы былі сябрамі гэтай калегіі прысяжных. Больш нічога я пра гэта казаць не буду».
Трамп, са свайго боку, адрэагаваў на рашэнне суда праз некалькі хвілін на сваім сайце Truth Social. Ён назваў яго смешным і абяцаў падаць апеляцыю на «ўсё гэтае накіраванае Байдэнам паляванне на ведзьмаў, накіраванае на мяне і Рэспубліканскую партыю».
Прысяжныя адбіраліся пры актыўным удзеле адвакатаў Трампа, суддзя не падпарадкоўваецца прэзідэнту, а Джын Кэрал падала пазоў у сваіх прыватных інтарэсах.
Трамп, аднак, дадаў, што «судовая сістэма выйшла з-пад кантролю» і выкарыстоўваецца як «палітычная зброя».
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»34
Каментары
Адвакаты Дональда адбіраюць каллегію прысяжных Нават у фільмах галівудзкіх гєта пабачіш Вася