У літоўскіх Медніках на мяжы з Беларуссю знайшлі вельмі незвычайную кантрабанду
13 жніўня на памежным кантрольна-прапускным пункце «Меднікі» (з беларускага боку «Каменны Лог») літоўскія мытнікі ў пасажырскім аўтобусе, які рухаўся з Мінска ў Вільню, затрымалі кантрабандную партыю наяўных грошай, піша Delfi.lt. Сама па сабе сітуацыя банальная, але ў гэтай канкрэтнай быў незвычайны нюанс.
Ужо ў пачатку надгляду мытнікі выявілі ў кіроўцы аўтобуса 8 блокаў (80 пачкаў) нелегальных цыгарэт. Пасля складання пратакола аб адміністрацыйным правапарушэнні надгляд быў працягнуты. І ўжо падчас яго знайшлі куды больш інтрыгоўную кантрабанду.
У баку-рукамыйніцы супрацоўнікі мытні выявілі пакет з кантрабанднай партыяй наяўных грошай у валюце розных краін, сярод якіх і зусім экзатычныя. Усяго было выяўлена і канфіскавана 500 000 расійскіх рублёў, 242 016 новых туркменскіх манатаў, 9 625 гамбійскіх даласі, 200 еўра і 200 брунейскіх сен. Агульны кошт усіх канфіскаваных грошай складае 70 240 еўра.
Аўтобус МАЗ пасля таго быў затрыманы, па факце кантрабанды распачалі папярэдняе расследаванне, а ў кіроўцы аўтобуса канфіскавалі дакументы.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары