Ці шмат беларусаў хоча збліжэння з Расіяй? Вось што паказала апытанне
У беларусаў таксама спыталі, ці варта збліжацца з Еўропай.
Апублікаваны вынікі новага даследавання Chatham House. Па знешнепалітычнай арыентацыі беларусы традыцыйна падзелены на тры групы.
З іх дзве — прарасійская і пранейтральная — вялікія, а празаходняя — маленькая. Пры гэтым прыхільнікі збліжэння з Расіяй (34%) не складаюць большасці ў беларускім грамадстве, хаця іх у два з паловай разы болей за прыхільнікаў еўраінтэграцыі (13%).
Вялікая колькасць рэспандэнтаў (35%) сказала, што мае складанасць з адказам (што можна патлумачыць як нявызначанасцю, так і фактарам страху).
Маленькая колькасць прыхільнікаў еўраінтэграцыі, як паказала даследаванне, тлумачыцца не толькі напружанымі адносінамі Захаду з рэжымам Лукашэнкі, але і закрытасцю Захаду для простых беларусаў.
Згодна з вынікамі апытання, кожны восьмы рэспандэнт (13%) лічыць верагодным уступленне Беларусі ў ЕС на працягу наступных 15 гадоў. А вось зусім не верыць у гэта ці лічыць малаімаверным кожны другі (51%).
Пры гэтым у людзей няма кансэнсусу адносна перашкод на шляху Беларусі ў ЕС. Амаль аднолькавая колькасць апытаных сказала, што гэтаму перашкаджае ўрад Расіі, не хоча ўрад Беларусі ці не хочуць самі краіны ЕС.
***
Апытанне Chatham House праходзіла з 28 чэрвеня па 3 ліпеня 2024 года. Удзел у ім прынялі 827 рэспандэнтаў. Аўтары адзначаюць, што вынікі абмежаваны гарадскім насельніцтвам і карыстальнікамі інтэрнэт. Гэта — а таксама фактар страху — магло крыху сказіць карціну.
Цяпер чытаюць
Азараў моцна пакрыўдзіўся на словы «псеўдалідаркі Ціханоўскай», што яго План Перамога быў памылкай29
Каментары
Таму тут некарэктны загаловак. Ідзецца не пра беларусаў, як нацыю, а толькі пра жыхароў Беларусі, як частку гэтай нацыі.
Не тое каб шанцаў не было, але яны зыходзяць не ад народа - толькі апантаная група рашучых людзей зможа ўзяць і ўтрымаць уладу.