Жыхары Гомеля скардзяцца на моцны пах гару і смугу. Улады кажуць, што хвалявацца няма чаго
«У кватэры ўжо вочы рэжа, стромна спаць класціся».
Гомельцы ўвечары 15 верасня скардзіліся на рэзкі пах гару і смугу, які ахутаў горад.
Праблемы з паветрам былі і за горадам, бліжэй да мяжы з Украінай. Паводле звестак маніторынгавых сэрвісаў, усходні вецер нёс на Гомель дым ад пажараў з памежнай тэрыторыі Чарнігаўскай вобласці Украіны і Бранскай вобласці Расеі, піша «Флагшток».
Жыхары Гомеля ў чатах расказалі, што ад дыму рэжа вочы нават у кватэры, а на вуліцы моцны смурод:
«У кватэры ўжо вочы рэжа, стромна спаць класціся».
«У 5-м проста не прадыхнуць, было акно адчынена на кухні, цяпер ва ўсёй кватэры смярдзіць».
«У 51-м такая ж гісторыя, увесь раён у нейкім дыме, смурод невыносны».
«Спаць проста немагчыма, прасмярдзела ўся кватэра».
Раніцай у панядзелак сітуацыя палепшылася.
Адрэагаваў на паведамленні старшыня Гомельскага гарвыканкама Уладзімір Прывалаў. У тэлеграм-канале ён напісаў, што гомельцам хвалявацца няма чаго.
«Смуга і пах, які ахутаў горад Гомель, узнікаюць у выніку ўзгарання тарфянікаў і гаспадарчай дзейнасці насельніцтва ва ўмовах зацішнага надвор'я і адсутнасці рассейвання ў атмасферы. Хвалявацца жыхарам Гомеля не варта», — заявіў Прывалаў.
Ён дадаў, што на тэрыторыі горада пажараў сухой расліннасці не зафіксавана. Пры гэтым захоўваецца 5-ты ўзровень пажарнай небяспекі.
У Мінску адчуваецца пах гару, а неба зацягнута смугой
У Лельчыцах Дзень горада правялі ў дыме з чарнобыльскай зоны
Зачыніць вокны, не курыць, не есці тлустае. Мінскі цэнтр гігіены расказаў, што рабіць, калі на вуліцы смог
У Чарнобыльскай зоне новы пажар: прыцягнулі чатыры сотні ратавальнікаў
Жыхары цэнтра і захаду Беларусі наракаюць на смугу і пах гару. У Вільні распаўсюдзілі трывожнае апавяшчэнне. Што адбываецца?
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку27
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары