Эколага Таспаева з Мядзела цягалі па адміністратыўках — а цяпер за гэта ж завялі і крымінальную справу
Станіслаў Таспаеў змагаўся за родны горад. Цяпер яму пагражае да чатырох гадоў калоніі.
Станіславу Таспаеву 48 гадоў. Родам ён з Мядзела.
Калі Станіслаў быў малы, сям'я пераехала за 7000 кіламетраў ад Беларусі. Яны перасяліліся ў сяло Малакурыльскае на востраве Шыкатан, якія ўваходзіць у шэраг Курыльскіх астравоў. Там знаходзіўся найбуйнейшы ў СССР рыбаперапрацоўчы камбінат. Станіслаў пражыў там 15 гадоў і скончыў школу.
Пасля Таспаеў вярнуўся ў Беларусь. У сярэдзіне 1990-х ён адкрыў ІП у Мядзельскім раёне.
Жыў Станіслаў у доме прадзеда ў вёсцы Качаргі побач з возерам Мястра.
Мужчына захапляецца фатаграфіяй, і гэта была адна з крыніцаў яго даходу. Зарабляе і камп'ютарнымі паслугамі. Мяркуючы па сацсетках, яшчэ падпрацоўваў рабочым — напрыклад, у 2023 годзе мантаваў рэкламу на білборды.
Акрамя працы, Станіслаў займаўся экалагічнымі праблемамі Мядзела і ваколіцаў, абараняў прыроду.
У сацсетках ён расказваў пра Мядзельшчыну, а ў 2014-м даў вялікае інтэрв'ю Анлайнеру, правёўшы журналістаў сцежкамі горада і ваколіцаў.
Таксама Станіслаў быў раённым каардынатарам праекта «IT-краіна», які фінансавала ІТ-кампанія «Белхард».
У снежні 2021 года стала вядома, што Таспаева асудзілі на два гады хатняй хіміі за «паклёп» (арт. 188 КК). Згодна з раскладамі судоў, за апошнія паўгода яго двойчы судзілі па адміністратыўных справах — за парушэнне правілаў утрымання жывёл у маі 2023 года і за парушэнне парадку правядзення масавых мерапрыемстваў у маі 2024 года.
Суд над Станіславам, але ўжо па крымінальнай справе, пачнецца 4 кастрычніка 2024 года ў судзе Мядзельскага раёна.
Вінавацяць яго па двух артыкулах — «дыскрэдытацыя Беларусі» (арт. 369-1 КК) і «неаднаразовае парушэнне парадку арганізацыі або правядзення масавых мерапрыемстваў» (арт. 342-2 КК).
Дагэтуль па апошнім артыкуле, наколькі вядома, асудзілі толькі чатырох чалавек — Аляксандра Кутаса, Андрэя Кунцэвіча, Уладзіміра Булаўскага і Мікалая Машарскага.
Таспаеву пагражае да чатырох гадоў калоніі са штрафам. У чым сутнасць справы — невядома. Незразумела таксама, мужчына за кратамі або на волі пад падпіскай.
«Наша Нiва» — бастыён беларушчыны
ПАДТРЫМАЦЬЦяпер чытаюць
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
P.S. Калі ўжо ад людзей адчэпяцца...