У аэрапорце «Мінск» у расіяніна ў багажы знайшлі 120 кг жывых лобстараў
Дакументаў на тавар у мужчыны не было.
Мытнікі ў мінскім аэрапорце знайшлі ў грамадзяніна Расіі незвычайны груз — 120 кг жывых лобстэраў. Мужчына прыляцеў у Мінск з Дубая і пайшоў праз «зялёны калідор». Аднак мытнікі спынілі яго для дадатковай праверкі.
Пры праверцы багажу былі выяўленыя 5 скрынак к з камерцыйнай партыяй лобстараў на 29 тысяч рублёў, якія расіянін меў намер рэалізаваць на тэрыторыі ЕАЭС.
Для асабістага карыстання дазваляецца ўвозіць да 5 кг такога роду тавараў і толькі пры наяўнасці ветэрынарнага сертыфіката. У мужчыны дакументаў не было.
На расіяніна склалі адміністрацыйны пратакол, яму прыйдзецца заплаціць штраф у памеры да 30% ад кошту тавару.
Лобстары, якія не маюць пацвярджэння бяспекі ў дачыненні да тэрыторый ЕАЭС, перададзеныя ветэрынарнай службе.
Цяпер чытаюць
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў1
Лёс сына прапагандыста са «Спутніка», які прыйшоў да беларушчыны падлеткам, выклікаў буру эмоцый у яго сяброў
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары