10 студзеня на 79-м годзе жыцця не стала вучонага і педагога ў галіне мікрабіялогіі, акадэміка НАН Беларусі, заслужанага дзеяча навукі, прафесара Леаніда Пятровіча Цітова, паведамляе тэлеграм-канал Мінздароўя.
Леанід Цітоў нарадзіўся 3 кастрычніка 1946 года ў Міхайлавічах Горацкага раёна ў сям'і ветэрынараў.
Скончыў Мінскі дзяржаўны медыцынскі інстытут. У 1978 годзе абараніў дысертацыю на суісканне вучонай ступені кандыдата медыцынскіх навук па тэме «Вывучэнне гумаральных фактараў натуральнага імунітэту ў хворых з першаснымі хранічнымі інфекцыямі дыхальных шляхоў».
У 1986 г.абраны дацэнтам па спецыяльнасці імуналогія, а ў 1988 г. — загадчыкам кафедры мікрабіялогіі, вірусалогіі, імуналогіі МДМІ.
У 1991 годзе абараніў доктарскую дысертацыю на суісканне вучонай ступені доктара медыцынскіх навук па тэме «Фізіялагічныя і паталагічныя заканамернасці функцыянавання сістэмы камлементу» па спецыяльнасці «Клінічная імуналогія і алергалогія».
З 1995 па 2009 год Л. Цітоў працаваў дырэктарам НДІ эпідэміялогіі і мікрабіялогіі. Пад яго кіраўніцтвам была абгрунтавана стратэгія развіцця новага навуковага напрамку — медыцынскай біятэхналогіі, заснаванай на дасягненнях малекулярнай біялогіі, геномікі і пратэёмікі. Для яе рэалізацыі была распрацавана канцэпцыя дзяржаўнай навукова-тэхнічнай праграмы «Інфекцыйныя хваробы і медыцынскія біятэхналогіі» (1996-2005 гг.).
У 1996 годзе ўпершыню была распрацавана канцэпцыя праграмы «Інфекцыйныя захворванні».
Дзякуючы яго намаганням створана больш за 40 новых дыягнастычных і імунабіялагічных прэпаратаў, а таксама нацыянальная сістэма маніторынгу рэзістэнтнасці бактэрый да антыбактэрыяльных прэпаратаў.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала11
Каментары