Беларус у Сербіі рыхтаваў прарасійскіх актывістаў для дэстабілізацыі ў Малдове
Паводле інфармацыі чарнагорскага выдання Vijesti, напярэдадні парламенцкіх выбараў у Малдове, якія прайшлі 28 верасня, беларус Аляксандр Гантароў разам з расіянінам Сяргеем Андрэенкавым на тэрыторыі комплексу Sunčana reka недалёка ад сербскага горада Лозніца ў перыяд з ліпеня па верасень навучылі больш за 150 прарасійскіх актывістаў распазнаванню баявых цэляў і стральбе, піша «Радыё Свабода».
Падрыхтоўка, як паведамляецца, была арганізаваная з мэтай зрыву парламенцкіх выбараў у Малдове ў выпадку выніку, неспрыяльнага для прарасійскіх сіл.
Вайсковыя інструктары двойчы выязджалі ў Чарнагорыю з Сербіі, каб не парушаць заканадаўства, бо расіяне і беларусы могуць знаходзіцца ў Сербіі без візы толькі 30 дзён.
Вядома, што Сяргей Андрэенкаў падчас поўнамаштабнага ўварвання арміі РФ ва Украіну ў 2022 годзе працаваў дарадцам кіраўніка вайскова-цывільнай адміністрацыі акупаванай тэрыторыі Харкаўскай вобласці Украіны.
Перад парламенцкімі выбарамі малдаўская паліцыя правяла шэраг ператрусаў, у выніку якіх былі затрыманыя 74 чалавекі, якія падазраюцца ў праходжанні падрыхтоўкі ў Сербіі пры каардынацыі расійскіх спецслужбаў з мэтай правакацыі гвалту і масавых беспарадкаў. Гэтая група асоб вывучала тактыку прарыву паліцэйскіх кардонаў, выкарыстанне гумовых дубінак, прыёмы абыходжання з агнястрэльнай зброяй.
Еўракамісія расследуе, якім чынам дзясяткі грамадзян Малдовы прайшлі ў Сербіі такое навучанне. Паліцыя Сербіі затрымала двух грамадзян па падазрэнні ў арганізацыі і фінансаванні лагера каля Лозніцы.
Паводле даных следства, адзін з арыштаваных падазраецца ў выплаце праз свае кампаніі каля 10 тысяч еўра інструктарам ваенізаванай падрыхтоўкі.
Малдова паказала, як Пуціну і Лукашэнку можна даваць па зубах і ў гібрыднай вайне
БелдзяржСМІ і каналы сілавікоў спрабавалі бударажыць Малдову разам з расіянамі. Вось што з гэтага выйшла
Малдаване Беларусі галасавалі не так, як малдаване Расіі. Уплыў праеўрапейскіх настрояў у беларускім грамадстве?
На выбарах у Малдове перамагла праеўрапейская партыя прэзідэнта Санду, прарасійская апазіцыя прайграла
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары