Вальфовіч: У Беларусі ўжо ведаюць чалавека, які запускаў з Літвы дрон на Гродна
Дзяржаўны сакратар Рады бяспекі Беларусі Аляксандр Вальфовіч заявіў, што чалавек, які запускаў дрон з тэрыторыі Літвы, ужо нібыта ўстаноўлены па запісах камер. Пра гэта ён расказаў у інтэрв’ю тэлеканалу «Першы інфармацыйны». Па словах Вальфовіча, Беларусь перадала Літве фота меркаванага аператара беспілотніка.
Вальфовіч сцвярджае, што дрон з бел-чырвона-белымі сцяжкамі заляцеў у Беларусь менавіта з Літвы, і называе здарэнне правакацыяй. Ён паведаміў, што па загадзе Лукашэнкі вядзецца падрабязнае расследаванне і што «траекторыя, закладзеная ў «мазгі» гэтага беспілотнага лятальнага апарата, была дакладна ўскрытая». Па словах чыноўніка, беспілотнік пасля Беларусі нібыта павінен быў накіравацца ў Польшчу, што, на яго думку, мела мэтай «сутыкнуць ілбамі абедзве дзяржавы».
Вальфовіч дадаў, што спецслужбы працягваюць пошукі чалавека, які запускаў дрон, а літоўскі бок праінфармаваны пра ход расследавання. Ён заклікаў Літву да супрацоўніцтва і заявіў, што без узаемадзеяння спецслужбаў і іншых сілавікоў урэгуляваць сітуацыю немагчыма.
Далей Вольфавіч перайшоў да абвінавачванняў у бок Літвы, сцвярджаючы, што яе ўлады «перабольшваюць сітуацыю» з залётамі паветраных шароў і не падаюць канкрэтных доказаў.
У Літвы, маўляў, «няма жадання вырашаць канфлікт», бо ён нібыта палітычна выгадны для суседняй краіны.
30 лістапада беларуске МЗС паведаміла, што на тэрыторыю Беларусі нібыта трапіў дрон з Літвы і ўпаў у Гродне. Афіцыйныя структуры назвалі інцыдэнт «прадуманай правакацыяй», а МУС заяўляла, што беспілотнік, маўляў, вёў разведку і адначасова скідаў «экстрэмісцкую сімволіку», то-бок бел-чырвона-белыя сцяжкі.
Літоўскі вытворца Granta Autonomy прызнаў падабенства дрона да сваёй старой мадэлі, але адзначыў, што ён быў перароблены і невядома як трапіў у Беларусь. Міністр абароны Літвы назваў беларускія абвінавачванні фэйкам.
У Гродне ўпаў дрон, які раскідаў бел-чырвона-белыя сцяжкі. У гэтым абвінавачваюць Літву
Прапаганда накручвае ўсё больш беліберды ў справе беспілотніка, які нібыта ўпаў у Гродне
«Рэжым Беларусі не першы раз прыдумляе гісторыі». У Літве пракаментавалі гісторыю з дронам у Гродне
Дарадца прэзідэнта Літвы не выключае, што дрон у Беларусь маглі запусціць актывісты
Літоўскі вытворца: Дрон з Гродна наш, але ён перароблены і невядома як трапіў у Беларусь
Цяпер чытаюць
Залішняе будаўніцтва: ці можа любоў беларусаў інвеставаць грошы ў кватэры прывесці да крызісу на рынку нерухомасці?3
Каментары