«Каб Беларусь не аддалі Пуціну ў якасці суцяшальнага прыза». Ціханоўская заклікае ўключыць беларускае пытанне ў мірныя перамовы Украіны і Расіі
Лідарка дэмакратычных сіл Беларусі Святлана Ціханоўская ў інтэрв'ю Euronews заявіла, што будучыня Беларусі наўпрост залежыць ад вынікаў вайны ва Украіне, і выказалася за неабходнасць дасягнення справядлівага і трывалага міру, а не часовага зацішша.
У размове з Euronews Святлана Ціханоўская падкрэсліла важнасць улічвання беларускага пытання падчас перамоў пра мір ва Украіне і адзначыла неабходнасць усталявання доўгатэрміновай бяспекі ў рэгіёне: «Вядома, будучыня нашай краіны залежыць ад вынікаў вайны ва Украіне. І, вядома, мы ўсе хочам справядлівага і трывалага міру, а не проста часовага зацішша, якое дасць Расіі магчымасць перагрупавацца і зноў пачаць атакаваць.
Для нас важна, каб падчас гэтых перамоў аспект Беларусі таксама быў уключаны. Каб Беларусь не аддалі Пуціну ў якасці суцяшальнага прыза, каб Беларусь не страціла сваю незалежнасць. І таму нам патрэбная моцная Еўропа ў якасці гульца на гэтых перамовах, якая будзе голасам народа Беларусі.
Спадзяюся, што будзе адзінства вакол Украіны, вакол нашага рэгіёну. Што Украіне дадуць усё патрэбнае, каб перамагчы ў гэтай вайне. Мы не абавязкова павінны ісці шляхам прэзідэнта Трампа, бо ягоны падыход больш транзакцыйны. Але мы павінны больш стратэгічна думаць пра архітэктуру бяспекі на многія гады наперад», — сказала яна.
-
«Я адразу закахалася ў ягоныя вочы». Жонка-украінка і сябар расказваюць пра загінулага беларускага добраахвотніка Васіля «Дзіра» Рапіцкага
-
Качанава абмеркавала са спікерам парламента Азербайжана сітуацыю на Блізкім Усходзе і ўдар па Нахічэвані
-
29‑гадовую мадэль і псіхолага з Гомеля асудзілі за палітыку. Меркавана, за Гаюна
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads7
Каментары
Каб хтосці мог "не аддаць" Беларусь, яе спачатку трэба мець калі не ў кішэні, то хаця б у зону ўплыву.