Вярхоўны суд Расіі адмяніў рашэнні трох ніжэйшых інстанцый паводле справы пра продаж кватэры спявачкі Ларысы Долінай і прызнаў права ўласнасці за пакупніцай Палінай Лур’е. Долінай адмовілі ў пазове аб прызнанні здзелкі несапраўднай.
Патрабаванне Лур’е аб высяленні Долінай накіравалі на новы разгляд у Масгарсуд. Да завяршэння працэсу спявачка можа жыць у гэтай кватэры, але пасля павінна яе пакінуць.
Раней адвакатка Долінай Марыя Пухава сцвярджала, што ўгода была здзейсненая пад уздзеяннем махляроў, аднак спявачка заяўляла пра гатоўнасць вярнуць Паліне Лур’е выдаткаваныя той 112 мільёнаў расійскіх рублёў (каля 1,2 мільёна даляраў).
Спявачка прадала кватэру ў чэрвені 2024 года, а ў жніўні заявіла, што стала ахвярай махляроў. Праз суд яна дамаглася вяртання кватэры, пасля чаго пакупніца, не маючы да тых махляроў дачынення, засталася і без кватэры, і без грошай.
Хамоўніцкі суд Масквы не прымяніў прынцып двухбаковай рэстытуцыі, згодна з якім спявачка павінна была б вярнуць грошы пакупніцы, і раіў Лур’е звяртацца да махляроў. Міжнародная асацыяцыя юрыстаў і кансультантаў адзначыла, што такі падыход стварае небяспечны прэцэдэнт і дэстабілізуе абарачэнне нерухомасці: пераход права ўласнасці на грошы пры разліку з’яўляецца асобнай здзелкай, і страта сродкаў з-за дзеянняў трэціх асоб не вызваляе прадаўца ад абавязку вярнуць суму пакупніку.
Гэтая справа выклікала шырокі грамадскі рэзананс: на адрас Долінай паступілі абвінавачванні ў нядобрасумленнасці, гледачы сталі здаваць білеты на канцэрты, а ў інтэрнэце пачалася кампанія яе «адмены».
Акрамя таго, кейс стварыў новую схему махлярства: прадавец, здзейсніўшы ўгоду, пазоў аб яе несапраўднасці абгрунтоўвае тым, што стаў ахвярай дзеянняў аферыстаў. У 2025 годзе па «схеме Долінай» аспрэчылі больш за тры тысячы ўгод, пакінуўшы добрасумленных пакупнікоў без жылля і сродкаў, а некаторых — яшчэ і з іпатэчнымі крэдытамі.
Юрыст назваў колькасць пацярпелых ад «схемы Долінай»
У Мінску адбыўся суд, аналагічны выпадку з кватэрай Долінай. Як ён скончыўся?
Як выглядае знакамітая кватэра Долінай, праз якую спявачку зненавідзелі ў Расіі
Гераіня таблоідаў апошняга часу Ларыса Доліна знялася ў навагоднім шоу на БТ
У Расіі з-за «эфекту Долінай» 3000 сем'яў засталіся без жылля. Ці варта баяцца беларусам?
Махляры развялі расійскую спявачку Ларысу Доліну. Яна перавяла ім мільён даляраў
Каментары
І якім правам выдаляеце такія каментары? Тут не БССР, каб сабе такое дазвалялі.