Перад аперацыяй захопу Мадура Ватыкан прасіў пра ягоную эвакуацыю ў Расію
Згодна з інфармацыяй выдання The Washington Post, перад аперацыяй ЗША ў Венесуэле Ватыкан заклікаў амерыканскую адміністрацыю дазволіць прэзідэнту Венесуэлы Нікаласу Мадура атрымаць прытулак у Расіі.
24 снежня, напярэдадні Каляд, дзяржаўны сакратар Ватыкана кардынал П’етра Паралін тэрмінова выклікаў пасла ЗША пры Святым пасадзе Браяна Берча, каб даведацца пра планы Вашынгтона ў Венесуэле. Паводле крыніц, кардынал хацеў прадухіліць кровапраліцце і дэстабілізацыю ў краіне і нават спрабаваў наладзіць кантакт з дзяржаўным сакратаром ЗША Марка Рубіа.
Паралін перадаў, што, згодна з яго інфармацыяй, Мадура прапаноўвалася пакінуць уладу і атрымаць бяспеку ў Расіі, дзе Пуцін нібыта гарантаваў ягоную ахову. Таксама абмяркоўваліся магчымасці перамяшчэння ў Турцыю або іншую краіну з гарантыямі неэкстрадыцыі ў ЗША. Аднак Мадура і яго жонка адхілілі ўсе прапановы.
Са слоў крыніц WP, прэзідэнт Венесуэлы «не ўсведамляў небяспеку свайго становішча» і адмаўляўся ад усіх магчымасцяў уцячы. Разам з тым, 21 лістапада адбылася кароткая тэлефонная размова паміж Трампам і Мадура, у якой прэзідэнт ЗША прапанаваў яму спакойна пакінуць краіну разам з сям’ёй, але Мадура адмовіўся. Трамп, паводле звестак газеты, заявіў, што час Мадура скончыўся і ён можа выбраць «лёгкі шлях ці цяжкі».
Такім чынам, Ватыкан і ЗША спрабавалі шляхам дыялогу і гарантый бяспекі вырашыць крызіс без кровапраліцця, але ўсе спробы былі адхіленыя Мадура, што ў выніку прывяло да амерыканскай аперацыі.
Лукашэнка пра выкраданне Мадура: Гэта саступка Трампа вайскоўцам за Афганістан
Трамп плённа паразмаўляў з прэзідэнтам Калумбіі. Той апублікаваў кранальнае фота сімвалаў ЗША і Калумбіі
Зяленскі прапанаваў ЗША захапіць Кадырава па прыкладзе Мадура
За Мадура сачылі мікрадроны памерам з насякомае?
У Каракасе амерыканскія спецназаўцы «бачылі» праз сцены. Што гэта за супертэхналогія?
ЗША моцныя насамрэч, а Расія — на словах
Каментары