Усяго на пляцоўцы 11 складоў.
Уночы 12 верасня на складзе боепрыпасаў зброевага завода EMCO ў раёне вёскі Горні-Вырпішта ў галіне Габрава пачаўся пажар, піша Reuters.com.
Адзін з дырэктараў кампаніі Слаўча Дзіміеў афіцыйна пацвердзіў гэтую інфармацыю Балгарскаму нацыянальнаму тэлебачанню.
Усяго на пляцоўцы 11 складоў. Пажар пачаўся на адным з іх, пасля чаго перакінуўся на два суседнія. Там здэтанавалі боепрыпасы, была чутная серыя выбухаў. Двое ахоўнікаў паспелі пакінуць тэрыторыю, пацярпелых няма. Найбліжэйшы населены пункт размешчаны больш чым за кіламетр ад аб'екта, раён быў цалкам ачэплены пажарнымі.
Крыху больш за месяц таму каля вёскі Беліца ў цэнтральнай Балгарыі адбыліся выбухі і пажар на іншым заводзе EMCO.
Тады прарасійскія балгарскія ўлады палічылі, што гаворка ідзе пра выпадковае здарэнне, а не пра дыверсію, а прычыны інцыдэнту «хутчэй за ўсё, унутраныя».
Абаронная кампанія EMCO належыць балгарскаму бізнэсоўцу Емяльяну Гебрэву. Ён і яго зброевыя прадпрыемствы ўжо неаднаразова станавіліся мэтамі меркаваных аперацый расейскай вайсковай разведкі праз пастаўкі боепрыпасаў Украіне.
The Insider сумесна з Bellingcat і Der Spiegel расследаваў спробу яго атручвання супрацоўнікамі ГРУ ў 2015 годзе, а таксама выбухі на складах з боепрыпасамі, якія прызначаліся ў тым ліку для Украіны.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах40
Каментары