«Mova ci kava» abo «Mova nanova»? Kanflikt pamiž arhanizatarami moŭnych kursaŭ
16 śniežnia ŭ minskaj halerei «Ŭ» adbyŭsia apošni ŭ minułym hodzie zaniatak biaspłatnych moŭnych kursaŭ «Mova ci kava».
Arhanizatar kursaŭ žurnalistka Kaciaryna Kibalčyč paviedamiła, što z novaha hoda nie budzie zajmacca arhanizacyj minskich kursaŭ — hety abaviazak całkam uziaŭ na siabie Hleb Łabadzienka. Toj zapeŭniŭ, što ź lubimymi mnohimi kursami ničoha nie zdarycca i jany buduć prachodzić pavodle taho samaha hrafika, što i raniej.
Adzinaje, što musiła źmianicca — heta nazva, pakolki pravy na brend «Mova ci kava» pakinuła za saboj Kaciaryna Kibalčyč.
Pačatak novaha hoda prymusiŭ amataram kursaŭ vybirać, kudy iści. Bo 13 studzienia a 19-j adbuducca adrazu dva zaniatki.
«Mova ci kava» projdzie ŭ prastory CECH (praśpiekt Niezaležnaści, 58, korpus 6 - uvachod praz vulicu P.Broŭki).
Zaniatki buduć vieści Vasil Drańko-Majsiuk, Aleś Zaleŭski i Uładź Lankievič.
Novy prajekt «Mova nanova» źbiarecca ŭ toj ža čas u Halerei Ŭ (praśpiekt Niezaležnaści, 37a).
Viadučymi zastanucca Alesia Litvinoŭskaja i Hleb Łabadzienka. Abodva prajekta źbirajucca i nadalej źbiracca pa paniadziełkach a 19-j.
Pakul pieravaha znachodzicca na baku prajekta «Mova nanova». Dabiracca da halerei «Ŭ» kudy praściej, dyj słuchačy pryvykli da raniejšych viadučych. U dalejšym situacyja moža źmianicca ŭ zaležnaści ad asobaŭ viadučych i prahramy.
Charakterny kamientar z Fejsbuku: «Kali b «Mova ci kava» i «nie Mova ci kava» byli ŭ roznyja dni, to naviedała b i «CECH», ale ž Alesi i Hlebu zdradzić nie mahu…».
Farmat prajekta «Mova nanova» dobra viadomy. Što tyčycca novaj viersii «Movy ci kavy», dyk Kaciaryna Kibalčyč płanuje zrabić akcent na haściej i dyskusiju.
«Mnie cikava stvaryć placoŭku, dzie možna dyskutavać na aktualnyja, trendavyja temy.
— piša Kibalčyč u Fejsbuku. — I, naprykład, na pieršy zaniatak (jaho tema «Abščepit» — «NN») my źbirajem restarataraŭ, supracoŭnikaŭ hetaj śfiery, kab dyskusija atrymałasia bolš roznabakovaj».
Ciapier čytajuć
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach11
Piatkievič: Sacyjalnaja śfiera — jašče i ekanomika. A ŭ kultury ludzi chacieli b, kab było, jak u inšych krainach
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ55
Kamientary