Starykaŭ u adkaz na krytyku: «Ruskija i biełarusy adzin narod, jak i niemcy Hiesena i Prusii». Sustreču maje vieści Hihin
Rasijski nacyjanalistyčny palitołah Mikałaj Starykaŭ adhuknuŭsia na zakliki admianić sustreču ź im u Minsku.
«Russkije, Biełorusy i Ukraincy — odin narod! Točno takžie kak vychodiec iz Bavarii, Hieśsiena i Pruśsii javlajutsia jedinym niemieckim narodom, chotia na protiažienii stoletij žili v raźličnych hosudarstvach», — napisaŭ jon na svaim sajcie.
Jon źvinavaciŭ patryjatyčnyja siły Biełarusi ŭ «presinhu» i «boksie», u vyniku čaho kniharnia «Śvietač» druhuju z zapłanavanych sustreč sa Starykavym admianiła.
«Internet-apałčeńnie» Starykava (termin ź jahonaha sajta) zasypaje biełaruskija sajty pad kapirku napisanymi kamientami ŭ jahonuju padtrymku.
Maładafrontaŭcy zaklikali patryjotaŭ pryjści na sustreču sa Starykavym i zadavać jamu pytańni.
Sustreču, darečy, maje vieści tvar telekanała ANT i kiraŭnik prezidenckaha časopisa «Biełaruskaja dumka» Vadzim Hihin. Redki vypadak, kali dziaržaŭny čynoŭnik adkryta padtrymoŭvaje čałavieka, jaki admaŭlaje nacyjanalnuju samastojnaść biełarusaŭ.
Cikava, što BRSM Biełaruskaha dziaržaŭnaha ŭniviersiteta infarmatyki i radyjoelektroniki prapanuje studentam adhuły ŭzamien za naviedvańnie sustrečy.
Sustreča adbudziecca 17 listapada a 17-j u kanfierenc-zale hatela «Biełaruś» na Staražoŭskaj u Minsku.
Kamientary