U Minsku asudzili troch aktyvistaŭ, jakija «kaladavali» z kanoplami
U śniežni aktyvisty inicyjatyvy Legalize Belarus vyjšli na vulicy stalicy «kaladavać». Ale zamiest tradycyjnaj zorki na žerdki ŭźniali malunak kanoplaŭ. Za niaŭzhodnienuju akcyju siońnia sudzili čatyroch udzielnikaŭ šeścia, paviedamlaje pravaabarončy centr «Viasna».
25 śniežnia ŭdzielniki inicyjatyvy praviali «kanaplanyja Kalady»: šeście za reformu artykuła 328 Kryminalnaha kodeksa, jakim praduhledžana adkaznaść za abarot narkotykaŭ i psichatropnych rečyvaŭ. Pa ich dadzienych, na vulicy vyjšli kala 15 čałaviek.
Na aktyvistaŭ skłali pratakoły pa art. 23.34 KaAP (Parušeńnie paradku arhanizacyi abo praviadzieńnia masavych mierapryjemstvaŭ). Tam paznačana, što ŭdzielniki «vykazvali staŭleńnie da lehalizacyi marychuany ŭ Biełarusi» z dapamohaj pikietu.
Pracesy nad aktyvistami prachodziać siońnia ŭ sudzie Centralnaha rajona, kažuć pravaabaroncy. U vyniku Piotr Markiełaŭ aštrafavany na 30 bazavych vieličyń (735 rubloŭ), Julija Švabovič i Stanisłaŭ Šašok - kožny na 10 (245 rubloŭ). U adnosinach da jašče adnaho ŭdzielnika akcyi rašeńnie jašče nie pryniataje
Kamientary