Viva Braslav — Open Air fiestyval, što ładzicca la Brasłaŭskich azior pačynajučy z 2013-ha hoda. Sioleta fest projdzie ŭžo ŭ 7-y raz.
Mierapryjemstva słavicca piermanientnym anšłaham. Pasłuchać muzyku la Brasłava chočacca mnohim. I tolki biełarusami tut nie abmiažoŭvajecca.
Siudy jeduć, bo sapraŭdy jość na što pahladzieć i što pasłuchać. U minułym hodzie na feście vystupali Nizkiz, Nuteki, Ivan Dorn, Bjanka, Alekseev (toj samy ŭkrainski śpiavak, što pradstaŭlaŭ Biełaruś na Jeŭrabačańni ŭ 2018 hodzie).
Raniej na Viva Braslav vystupali IOWA, L'One, «Bieź Bileta» i mnohija inšyja biełaruskija, ukrainskija i ruskija zorki.
Čym ža fest admietny siarod sabie padobnych? Napeŭna, aproč inšaha, tut vyrašaje łakacyja. Malaŭničyja Brasłavy vabiać i miascovych, i turystaŭ u luby čas, ale kali tut možna jašče i drajvova adciahnucca — skarystacca takoj mahčymaściu stanovicca bolš achvotnych. Akramia łakacyi, fest cikavy svaimi aktyŭnaściami i konkursami: štohod tut ładziać «Miss Viva Braslav», roznaha kštałtu spartovyja hulni (i nie zaŭsiody ŭ zvykłym farmacie).
Sioleta na feście budzie dziejničać placoŭka sacyjalnych aktyŭnaściaŭ. Heta daje mahčymaść prezientavać svaju inicyjatyvu, raspavieści pra prajekt praź interaktyŭny kantakt z haściami. Darečy, tut vy zmožacie pasłuchać idei i natchnicca dziejnaściu «Asamblei».
Padrabiaznuju prahramu festa vy možacie pahladzieć na sajcie. Ale varta adznačyć, što ŭ hety raz chedłajnierami buduć «Lapis-98», Cima Biełaruskich, W&W (Niderłandy), T-Fest, Gruppa Skryptonite.
A nočču artystaŭ zamieniać najlepšyja dydžei, pad sety jakich vy budziecie tančyć.
Bolš infarmacyi pra prajezd, artystaŭ, konkursy, kvitki (jakich zastałosia vielmi mała!) vy znojdziecie na sajcie mierapryjemstva.
Što: Viva Braslav Open Air
Dzie: Viciebskaja vobłaść, Brasłaŭ, centralny plaž (kaardynaty: 55.638215, 27.027924)
Kali: 26-27 lipienia
Kvitki: 41.95 BYN (standart na 2 dni), 159.95 BYN (VIP na 2 dni). Nabyvać lepš na sajcie arhanizataraŭ, bo biez kamisii.
Bolš infarmacyi: Viva Braslav — 2019.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku
Kamientary