«Viedamaści»: Łukašenka moh nabrać 50,8%. Jelisiejeŭ: Heta manipulacyja
Rasijskaja hazieta «Viedamaści» apublikavała vialiki artykuł na temu vynikaŭ prezidenckich vybaraŭ u Biełarusi. Aŭtary praanalizavali dastupnyja pratakoły pa ŭčastkach i pryjšli da vysnovy, što Łukašenka taki «moh nabrać 50,8%, a Cichanoŭskaja — 38,3%».
Daśledčyk Andrej Jelisiejeŭ rašuča piarečyć: rasijskija žurnalisty nie razumiejuć pryncypaŭ praviadzieńnia biełaruskich vybaraŭ, tamu dapuścili prapahandysckuju manipulacyju.
U bazie sistemy «Hołas» jość vyniki hałasavańnia pa 1310 učastkach (ź isnujučych 5767 učastkaŭ), dzie kamisii vyviesili pratakoły.
Adnak pry analizie varta adkinuć prykładna 400 učastkaŭ, dzie kolkaść dasłanych biuleteniaŭ za Cichanoŭskuju pieravysiła aficyjnuju kolkaść hałasoŭ za jaje na ŭčastku. Jašče možna praihnaravać kala 620 učastkaŭ, na jakich niezaležnyja naziralniki zafiksavali parušeńni.
Takim čynam, zastajecca 288 učastkaŭ «biez parušeńniaŭ». I voś mienavita ich vyniki daśledčyki z «Viedamaściaŭ» raściahnuli na ŭsiu krainu i atrymali patrebny vynik — minimalnaja pieramoha Alaksandra Łukašenki ŭ pieršym tury.
Andrej Jelisiejeŭ kateharyčna nie zhodny z takoj mietadałohijaj. Jon źviartaje ŭvahu na toje, što navat kali niezaležnyja naziralniki mahli prysutničać na ŭčastku ŭ niekatoryja dni daterminovaha hałasavańnia, to jany nie byli dapuščanyja na padlik hałasoŭ. A značycca, ličyć taki ŭčastak «čystym» nielha.
Inšaja anamalnaść biełaruskich vybaraŭ — šalonyja ličby daterminovaha hałasavańnia. Adsačyć, što adbyvałasia z hetaj masaj biuleteniaŭ (aficyjna — siarednija 40% pa krainie), niemahčyma.
«Ja praanalizavaŭ usie pratakoły i mahu z absalutnaj upeŭnienaściu skazać, što z usiaho sabranaha «Zubrom» kompleksu pratakołaŭ z bolš-mienš realnymi vynikami — nie 600+ i nie 200+, a ŭsiaho kala, a to i mienš za 100», — miarkuje Jelisiejeŭ. Astatnija pratakoły jon nazyvaje skažonymi.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary