Palitźniavolenaj Julii Łaptanovič niaznačna źmienšyli prysud pa vynikach apielacyi
Učora Viarchoŭny sud razhladzieŭ apielacyjnuju skarhu na prysud Julii Łaptanovič. U vyniku šmatdzietnaj maci skaracili termin na try miesiacy — ź piaci hadoŭ źniavoleńnia da čatyroch hadoŭ i dzieviaci miesiacaŭ, a taksama skaracili sumu štrafa amal na tysiaču rubloŭ. Chutka žančynu etapujuć u kałoniju, piša «Viasna».
Nahadajem, hrodzienski abłasny sud 18 lipienia asudziŭ aktyvistku z Pružanaŭ pa šaści artykułach Kryminalnaha kodeksa da piaci hadoŭ kałonii va ŭmovach ahulnaha režymu i štrafu ŭ pamiery 19 bazavych vieličyń (608 rubloŭ). Taksama sud pastanaviŭ spłacić 5000 rubloŭ maralnaj kampiensacyi na karyść adnaho paciarpiełaha prakurora.
Hod tamu Juliju i jaje muža Ihara asudzili pa «spravie karahodaŭ». Ihara adpravili ŭ kałoniju, a žančynie prysudzili «chatniuju chimiju». Praź niekalki miesiacaŭ Juliju zatrymali pa novaj kryminalnaj spravie.
Na voli Ihara i Juliju čakajuć troje dziaciej.
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5555
Kamientary