Cichanoŭskaja zaklikała biełarusaŭ abdumać płan dziejańniaŭ na vypadak vajny
«Usio heta nie mahło pryśnicca nam navat u strašnym śnie. I ŭsio ž heta zdaryłasia». Demakratyčny lidar Biełarusi źviarnułasia da biełarusaŭ na vypadak vajennych dziejańniaŭ.
«Usio heta nie mahło pryśnicca nam navat u strašnym śnie. I ŭsio ž heta zdaryłasia. Pratesty, represii, źbivańnie, kryzis, vajna. My nie mahli pradbačyć hetych padziej, ale navučylisia dziejničać u samych składanych situacyjach. Jany navučyli nas rychtavacca da horšaha i zaŭsiody kłapacicca pra blizkich i tych, chto paciarpieŭ. My ŭbačyli, što šukać łohiku i praličvać nastupnyja kroki tyranaŭ — biessensoŭna. Jany nie kirujucca łohikaj», — piša Śviatłana Cichanoŭskaja.
«Tamu siońnia nam z vami tak važna pakłapacicca pra siabie i rodnych. Nie dazvalać sabie lišniaj paniki, a vydychnuć, prymać rašeńni spakojna. I kali jość niešta, što možna zrabić, kab zaścierahčy siabie, — lepiej rabić heta zahadzia.
Pahavarycie z rodnymi i siabrami, abmiarkujcie płan dziejańniaŭ na vypadak niebiaśpieki. Nazapaściesia najaŭnymi hrašyma, lepiej u valucie, a jašče lepiej — u roznych valutach. Abmiarkujcie ź dziećmi praviły pavodzin u stresavych situacyjach i bazavuju biaśpieku, možna navat pravieści nievialikuju treniroŭku ŭ hulniavoj formie. Daviedajciesia, ci jość u vašym rajonie pamiaškańni, u jakich možna schavacca ŭ vypadku ŭdaraŭ z pavietra, vyzvalicie ich ad lišnich rečaŭ, pakińcie tam meblu i nievialiki zapas kansiervaŭ. Praviercie chatniuju aptečku, kali treba — papoŭnicie jaje nieabchodnymi srodkami: bintami, bandažami, srodkami indyvidualnaj abarony, antysieptykami, antybijotykami, zaspakajalnymi srodkami i tabletkami dla abiezzaražvańnia vady, a taksama tymi lekami, jakija vam patrebnyja.
Darahija biełarusy, zaraz nam jak nikoli važna zachavać siabie. Važna nie dazvalać sabie zastacca ŭ rospačy i prymusić siabie admovicca ad strachu, u jaki zahaniaje nas režym, a taksama dumać ćviaroza. Ale padrychtavacca i skłaści sabie płan dziejańniaŭ na vypadak nadzvyčajnaha zdareńnia nikoli nie budzie lišnim. Bieražycie siabie i adno adnaho», — reziumuje Śviatłana Cichanoŭskaja.
Pres-sakratar Cichanoŭskaj patłumačyła, z čym byŭ źviazany ranišni zvarot
Ciapier čytajuć
Łukašenka: Što tvorycca ŭ krainie, u nas usie hetuju huś kruciać1
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2020
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna20
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5656
Kamientary