Pra heta zajaviŭ načalnik Hałoŭnaha ŭpraŭleńnia raźviedki Ministerstva abarony Ukrainy Kiryła Budanaŭ i pryvioŭ cikavyja fakty.
U efiry ŭkrainskaha telekanała «Pieršij» Kiryła Budanaŭ nazvaŭ padryŭ Kachoŭskaj HES štučnaj technahiennaj katastrofaj, terarystyčnym aktam i aktam etnacydu.
Jon adznačyŭ, što hetuju akcyju śviadoma ŭčyniła Rasijskaja Fiederacyja, i padkreśliŭ, što «ŭsie plotki pra toje, što heta, mahčyma, było niejak inačaj, nie adpaviadajuć rečaisnaści».
Kiraŭnik ukrainskaj raźviedki źviarnuŭ uvahu na toje, što jość šerah faktaŭ, jakija śviedčać pra toje, jak usio adbyvałasia.
«Samaje cikavaje toje, što za paŭhadziny pa radyjo vyjšli na padraździaleńnie, jakoje znachodziłasia na Kachoŭskaj HES, i skazali vielmi chutka sabracca dy pakinuć terytoryju. Nieadkładna prybyła hrupa śpiecyjalnaha pryznačeńnia, i paśla hetaha adbyłosia toje, što adbyłosia».
Druhi cikavy fakt, ahučany Budanavym, — toje, što ŭsie padraździaleńni rasijskich vojskaŭ, jakija znachodzilisia pobač z HES, sapraŭdy nie viedali pra toje, što hetaja akcyja adbudziecca. «Hetaja padzieja zaśpieła ich źnianacku, jak i ŭsich inšych», — kaža jon.
Kachoŭskaja HES była padarvanaja 6 červienia 2023 hoda ŭ 2:50 nočy. U vyniku padryvu pad pahrozaj zatapleńnia akazałasia da 80 nasielenych punktaŭ, a mašynnaja zała HES była poŭnaściu zrujnavanaja i nie padlahaje adnaŭleńniu.
Čytajcie jašče:
U zonie padtapleńnia paśla praryvu płaciny Kachoŭskaj HES vyjavili chalernuju pałačku
Mižnarodny kryminalny sud pačaŭ rasśledavać padryŭ Kachoŭskaj HES
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj63
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary