«Usio było ok, akramia muzyki». Pałac u Śviacku pačaŭ prymać haściej
Pałacava-parkavy kompleks «Vialiki Śviack Vałovičaŭ», što pa darozie z Hrodna na Aŭhustoŭski kanał, pačaŭ prymać haściej, piša Hrodna.life. Jon adkryty ŭ piatnicu, subotu i niadzielu. Z paniadziełka da čaćviarha patrapić u pałac možna tolki na papiaredni zapyt, paviedamili na staroncy pałaca ŭ instahramie.
Uvachod na terytoryju kompleksu płatny:
- darosłyja — piać rubloŭ,
- dzieci ad 7 da 14 hadoŭ — dva rubli.
Kompleks, u tym liku restaran «Śviacki brovar», pracuje:
- ź piatnicy da niadzieli — z 12:00 da 22:00,
- z paniadziełka da čaćviarha — na papiaredni zapyt pa telefonie +375 292 841 023 (zvanić z 9:00 da 17:00).
U restaranie biełaruskaj kuchni «Śviacki brovar» možna pajeści (u mieniu jość zakuski, sałaty i haračyja stravy), vypić kavy ci harbaty, a taksama pakaštavać čatyry hatunki kraftavaha piva «Śviackaje» miascovaj vytvorčaści.
Hatunki piva majuć nazvy, źviazanyja z historyjaj Śviacka i vakolic:
- śvietłaje nazvali «Vałovickim» — u honar rodu Vałovičaŭ,
- paŭciomnaje — «Maestra Džuzepe» — u honar architektara Džuzepe Saka, jaki stvaryŭ prajekt pałaca,
- pšaničnaje — «Tealinskaje» — u honar kolišniaha miastečka Tealin (siońnia ŭ miežach Sapockina), zakładzienaha Antonijem i Teafilijaj Vałovičami.
Fota častki mieniu raźmiaściła ŭ storyz svajho instahrama hrodzienskaja błohierka Anastasija Maggie Jarockaja.
Pavodle błohierki, u brovary hrała muzyka rasijskich vykanaŭcaŭ: Chabiba, Džyhana, Zivert.
«Usio było ok, akramia muzyki. Čamu b u takim aŭtentyčnym miescy, brovary na ziemlach kniazioŭ Vałovičaŭ, nie ŭklučyć niešta bolš niejtralnaje?» — napisała Anastasija.
Pry hetym naviedvańniem Śviacka jana zastałasia zadavolenaja. «Pakul tut niama natoŭpaŭ turystaŭ — rajskaje miastečka dla špacyraŭ. Praŭda, 20 km ad horada», — napisała jana.
Pałacava-parkavy kompleks u Śviacku aficyjna adkryli paśla rekanstrukcyi ŭ traŭni 2023 hoda. Ale naviedvalnikaŭ tudy nie puskali. Pryčyna — nie vyrašanyja pytańni z arhanizacyjaj charčavańnia i pošukam piersanału.
Ciapier u pałac taksama jašče nie puskajuć — tolki na terytoryju i ŭ restaran. Kaplica, što znachodzicca na terytoryi pałacava-parkavaha ansambla, taksama na restaŭracyi.
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna14
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1313
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha13
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary