Paśla rekanstrukcyi častkova adkryŭsia pałacava-parkavy kompleks u Śviacku pad Hrodnam
U paniadziełak adbyłasia cyrymonija častkovaha adkryćcia pałacava-parkavaha kompleksu «Śviack», paviedamiŭ telehram-kanał Hrodzienskaha abłvykankama «Puł 4 rehijon».
U ramkach pieršaj čarhi rekanstrukcyi pałacava-parkavaha kompleksu «Śviack», jak paviedamlajecca, zaviaršyli dobraŭparadkavańnie prylehłaj terytoryi, abnavili fasad pałaca, uładkavali hatelnyja numary, stvaryli SPA-centr, pralni.
U staradaŭniaj častcy korpusa, dzie kaliści byŭ śviran, raźmiaścili piŭny restaran i brovar. Na terytoryi kompleksu taksama źjaviŭsia haściavy domik z basiejnam, saunaj, biljardnym stałom.
U cyrymonii adkryćcia ŭziali ŭdzieł staršynia Hrodzienskaha abłvykankama Uładzimir Karanik, pamočnik Łukašenki pa Hrodzienskaj vobłaści Juryj Karajeŭ i kiraŭnik praŭleńnia Nacyjanalnaha banka Pavieł Kałaŭr.
Pałacava-parkavy ansambl u Śviacku — pomnik architektury i sadova-parkavaha mastactva XVIII stahodździa. Jon byŭ pabudavany ŭ 1779 hodzie pa zamovie hrodzienskaha maršałka Juzafa Vałoviča italjanskim architektaram Džuzepie Saka.
U kancy XIX stahodździa adzin z naščadkaŭ Vałoviča prajhraŭ radavy majontak u biljard. Paśla taho pałac byŭ zakinuty i mocna paciarpieŭ padčas Pieršaj suśvietnaj vajny, a paśla ad maradzioraŭ. Pačynajučy z 1930-ch hadoŭ pry roznych uładach tut mieścilisia miedycynskija ŭstanovy.
U 2005 hodzie pałac apuścieŭ, a ciapier tut viaducca restaŭracyjnyja raboty.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary