Na terytoryi Kałožskaj carkvy chočuć pabudavać zvanicu. Užo pryvieźli zvany
Prychod śćviaržaje, što pytańnie budaŭnictva kala pomnika hrodzienskaha dojlidstva XII stahodździa ŭžo razhladajecca. Heta moža nie spadabacca JUNIESKA.
8 zvanoŭ byli dastaŭleny ŭ carkvu, čakajuć na dziaviaty, jaki važyć 1300 kh.
Barysahlebskaja carkva ŭ Kałožy ŭklučana Dziaržaŭny śpis historyka-kulturnych kaštoŭnaściej jak pomnik 0-j katehoryi — heta značyć, što kaštoŭnaść abo ŭklučanyja abo prapanavanyja da ŭklučeńnia ŭ śpis suśvietnaj spadčyny JUNIESKA.
I sapraŭdy, Kałožskaja carkva była ŭklučany ŭ tak zvany papiaredni śpis jašče ŭ 2004 hodzie, ale z taho času raboty ŭ kirunku prysvajeńnia statusu abjekta suśvietnaj spadčyny šli nadzvyčaj marudna.
U 2018 hodzie carkva była na miažy vyklučeńnia z pretendentaŭ u śpis JUNIESKA. Tady padčas kapitalnaha ramontu rekanstrukcyju chacieli zrabić z vykarystańniem hazasilikatnych błokaŭ. Ale historyki i architektary adstajali varyjant aściarožnaj rekanstrukcyi z zachavańniem draŭlanych ścien.
Paśla pośpiechu susiedziaŭ, jakija zmahli damahčysia suśvietnaha pryznańnia dla histaryčnaha centra Kułdyhi i madernisckaj spadčyny Koŭna, u Biełarusi znoŭ zahavaryli pra biełaruskich naminantaŭ.
Tak u kastryčniku 2023 hoda ŭ Ministerstvie kultury Biełarusi adbyłosia pasiadžeńnie mižviedamasnaj rabočaj hrupy pa padrychtoŭcy naminacyjnych daśje dla padačy zajaŭki «Kałožskaja (Barysahlebskaja) carkva ŭ h. Hrodna jak prykład hrodzienskaj architekturaj škoły» ŭ Śpis suśvietnaj spadčyny JUNIESKA.
Nieabdumanaje budaŭnictva moža pryvieści nie tolki da taho, što staražytny pomnik nikoli nie atrymaje statusu abjekta Suśvietnaj spadčyny, ale i navat atrymaŭšy, jon moža być praz heta jaho pazbaŭleny. Tak u 2009 hodzie sa śpisu JUNIESKA była vyklučana Drezdenskaja dalina Elby, jakaja była pryznanaja Suśvietnaj spadčynaj u 2006 hodzie. Pryčynaj vyklučeńnia stała budaŭnictva masta, jaki «razburyŭ kulturny łandšaft».
«Naša Niva» — bastyjon biełaruščyny
PADTRYMAĆCiapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć39
Kamientary