«Ułady tak spadziavalisia na «pierazahruzku» z Varšavaj paśla vybaraŭ, ale vyhladaje, što daremna»
Radasłaŭ Sikorski moža stać novym ministram zamiežnych spraŭ Polščy. Na mahčymaje pryznačeńnie Sikorskaha na pasadu ministra źviartaje ŭvahu žurnalist «Radyjo Svaboda» Dźmitryj Hurnievič.
«Chunta ŭ Miensku suročyła. Tak spadziavalisia na «pierazahruzku» z Varšavaj paśla vybaraŭ, ale vyhladaje, što daremna.
Polskija ŚMI z upeŭnienaściu na 100% pišuć, što novym ministram zamiežnych spraŭ hetaj krainy stanie čałaviek, jakoha Łukašenka nienavidzić usim sercam (i tut uzajemna, darečy).
Polskaje MZS maje ŭznačalić palityk, karani jakoha ŭ Biełarusi. Heta naščadak staŭpieckaj šlachty Radasłaŭ Sikorski (z rodu Paškievičaŭ).
Jon užo ŭznačalvaŭ MZS Polščy raniej, sustrakaŭsia z Łukašenkam i kazaŭ paśla, što toj skončyć, jak Miłošavič abo Karadžyč.
Da ŭsiaho, jon muž En Epłbaŭm, adnoj z samych upłyvovych publicystak śvietu, jakaja pachodzić z kobrynskich habrejaŭ i šmat piša pra Biełaruś, vydatna razumiejučy ŭsie niuansy situacyi. I kali b vyrašaŭ ja, to pryznačyŭ by ministarkaj mienavita jaje», — piša Hurnievič.
Apošnija tydni Alaksandr Łukašenka krychu skarektavaŭ svaju rytoryku ŭ adnosinach da krain Zachadu. Na pačatku listapada jon zajaviŭ, što ŭpeŭnieny ŭ adnaŭleńni adnosin ź Litvoj i Polščaj.
-
Źmicier Daškievič: U vyhnańni ja vałacuha, ale maju toje, čaho ciapier nie było b dla mianie ŭ Biełarusi — mahčymaść prynosić Hospadu płod
-
Kavieryn: U mianie raście dačka, i ja chacieŭ by, kab jana žyła, chutčej, u tym śviecie, jaki ŭjaŭlajuć sabie idealnym fieministki
-
Paŭlučenka pra viartańnie Pačobuta: «Punkt bifurkacyi, paśla jakoha šmat źmienicca»
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie12
Kamientary