«Bajusia, što jany hatovyja na ŭsio». Bondarava raskazała, jak joj ciažka žyviecca na biełym śviecie
Viadomaja danosčyca Volha Bondarava, jakaja ŭdzielničaje ŭ vybarach, bałatujučysia ŭ Minski haradski saviet, u svaim telehram-kanale raskazała, praź jakija cierni joj davodzicca padčas hetaha pracesu prachodzić. Na jaje, maŭlaŭ, napisali ŭžo dźvie zajavy ab raspaŭsiudžańni ekstremisckich materyjałaŭ, i heta tolki viaršynia ajśbierha.
Pavodle słovaŭ Bondaravaj, na kožnym mietry i na ŭsich frantach jaje dziejańniam čyniać pieraškody, i heta, jak vyhladaje, usio idzie ad «mimikravaŭšaha zmaharja» znutry sistemy. Pry hetym danosčyca ź impetam pieraličvaje byccam užo ŭčynienyja suprać jejnaj asoby «pravakacyi», jakija, što praŭda, ad jaje nibyta «adskokvajuć, jak šaryki ź dziciačaha pistaleta ad ścienki».
Z pasta Bondaravaj možna daviedacca, što joj, maŭlaŭ, užo padkidvali narkotyki, i dobra, što siłaviki razabralisia.
Taksama jaje nibyta ŭžo patrabavali vyklučyć z BDPU, bajučysia, što spraktykavanaja danosčyca «atrymaje dypłom pa linii adukacyi i parazhaniaje zmaharskaje kubło, što tam akapałasia».
Niejkaja «Zoja S.», pa słovach Bondaravaj, piša na jaje ananimki, prytym jak u toj ža BDPU, tak i ŭ rodnuju kamunistyčnuju partyju.
Jašče adzin vyklučna niebiaśpiečny padkop — što chtości «štodnia ananiruje na ekrančyk smartfona, dzie śviecicca łahatyp majho kanała, i zychodzić atrutnaj ślinaj, prapalvajučy tapki».
Urešcie, apošni ź pieraličanych niadobrazyčliŭcaŭ «skača da hienprakurora, vykrykvajučy na chadu: abiacaju pasadzić jaje!»
Ale, z honaram kanstatuje Bondarava:
«Ništo nie biare kamunistku: jana ahučvaje spadziavańni naroda, i voś užo źjaŭlajecca termin «kalektyŭnaja Bondarava», jakaja «sotniami hałasoŭ z usioj Biełarusi danosić praŭdu da ŭłady, i damahajecca praŭdy».
Pieraličyŭšy zatym svaje dasiahnieńni na nivie zmahańnia ź biełaruščynaj i ŁHBT, zaklučnuju častku svajho pasta Bondarava pryśviaciła chvałaśpievam na adras Łukašenki, kali nie pierasiahnuŭšy, to dakładna nie sastupiŭšy ŭ hetym navat samoj Natalli Kačanavaj.
Bondarava navat uvodzić dla jaho novy hanarovy tytuł — «kalektyŭny Łukašenka», jakoha ad źniešnich i ŭnutranych niadobrazyčliŭcaŭ vierna achoŭvajuć «kalektyŭnyja Bondaravy».
Naprykancy ž prymieryła na siabie rolu «sakralnaj achviary»:
«Zmahar žyvie ŭ narkatyčnym śviecie ružovych adzinarohaŭ, jaki jamu maluje kalektyŭny Zachad. I kožnaha, chto śmieje vydrać jaho z hetaha atrutnaha moraku, jon hatovy zabić. Bajusia, što nastupnym krokam bčbiesaŭ budzie mienavita taki — jany hatovyja na ŭsio…»
Čytajcie taksama:
BT stroha adkazała Bondaravaj: Hledačy prosiać pakazvać Biłana i Aści, a vam raim «Panaramu»
Biahun — Bondaravaj: Zabyłasia, jak vycokvała nabojkami z HUBAZiKa z vyhladam aba*ranaha janota?
Cichanoŭski prapanavaŭ radykalna pierahledzieć stratehiju dla Biełarusi36
Cichanoŭski prapanavaŭ radykalna pierahledzieć stratehiju dla Biełarusi
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary
Jana vielmi taksičnaja.
Nielha dazvalać joj prymać rašeńni, jakija datyčacca dziejnaści horada Minska.
Nabytyja ŭ piedinstytucie viedy pa biełaruskaj movie Bondarava vykarystaje vyklučna dla brudnaj dziejnaści suprać svaich sakurśnikaŭ, vykładčykaŭ, kiraŭnictva BDPU, čynavienstva i suprać Biełarusi jak takoj.