Sabaki pamiatajuć nazvy svaich cacak na praciahu niekalkich hadoŭ — navukoŭcy
Asobnyja najbolš talenavityja sabaki mohuć prynieści cacku, jakuju nazavie jaho haspadar, navat kali nie bačyli jaje na praciahu dvuch hadoŭ.
Jak piša The Guardian, raniejšyja ekśpierymienty pakazali, što sabaki niekatorych parod vałodajuć vyklučnymi zdolnaściami da zapaminańnia słoŭ. Najbolš viadomy border-koli pa mianušcy Čejzier, jaki vyvučyŭ nazvy bolš za 1000 pradmietaŭ.
Ciapier ža navukoŭcy z Vienhryi vyvučyli kahnityŭnyja zdolnaści sabak i vyjavili, što niekatoryja ź ich mohuć zachoŭvać u pamiaci nazvy cacak, navat kali nie sutykalisia ź imi na praciahu dvuch hadoŭ.
Daśledavańnie, vyniki jakoha apublikavanyja ŭ časopisie Biology Letters, pakazała, što dla taho, kab sabaka zhadaŭ cacku pa naźvie praz praciahły čas, nie patrabujecca aśviažać jaho pamiać z dapamohaj častaj hulni z hetym pradmietam.
Dla svajho ekśpierymientu vučonyja ŭziali piać sabak, jakija ŭ chodzie raniejšych daśledavańniaŭ paśpiachova vyvučyli nazvy 12 novych cacak, jakija byli zatym schavanyja na dva hady.
Paśla takoha praciahłaha pierapynku haspadary sabak dastali hetyja cacki sa schovanki. Z-za taho, što niekatoryja cacki byli zhubleny, ich kolkaść była abmiežavana piaćciu pradmietami. Kožny haspadar sabaki raźmiaščaŭ staryja cacki ŭ asobnym pakoi, dadajučy da ich vosiem novych cacak sabaki. Zatym jon pierachodziŭ u inšy pakoj i prasiŭ svajho hadavanca pa čarzie prynieści adnu sa starych cacak, nazyvajučy jaje.
Ekśpierymient dla kožnaha sabaki pravodziŭsia dvojčy. Daśledčyki nazirali za tym, što adbyvajecca, pa videasuviazi.
Vyniki pakazali, što ahułam sabaki pravilna vybirali cacku ŭ 44% vypadkaŭ, a niekatoryja prademanstravali pośpiech u 60% vypadkaŭ, što pierasiahnuła čakańni vučonych.
Navukoŭcy padkreślivajuć, što sabaki sapraŭdy mohuć zapaminać nazvy pradmietaŭ, ale hety navyk ułaścivy nie ŭsim. Pryčyny, jakija lažać u asnovie hetaj zdolnaści, pakul zastajucca nieviadomymi.
Aŭtary źviartajuć uvahu, što ŭ sabak, jakija byli bolš talenavitymi, u bolšaści vypadkaŭ byli haspadary, što pravodzili ź imi bolš času.
Vučonyja śćviardžajuć, što ich adkryćcio moža mieć značeńnie dla razumieńnia evalucyi čałaviečaj movy, pakolki pamiać — adzin z klučavych elemientaŭ u jaje raźvićci.
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary