Stała viadoma, kali narešcie źjavicca žyćcio ŭ HC Avia Mall u Minsku
Handlovy centr Avia Mall užo niekalki hadoŭ budujuć u novym minskim žyłym kompleksie «Minsk-Śviet». Jaho abiacali adkryć i ŭ 2022 hodzie, i ŭ 2023-m, i ŭ 2024-m, ale abiacańni nie spraŭdžvalisia. Ciapier narešcie nazvanaja kankretnaja data, kali ŭ im zapracuje pieršy abjekt, zaŭvažyŭ «Anłajnier».
Praź miesiac u hetym centry pačnie pracavać hipiermarkiet Green. Šyldu handlovaj sietki na fasadzie Avia Mall pačali mantavać u pačatku sakavika, a na budaŭničym płocie nieŭzabavie źjaviłasia abjava ab pošuku supracoŭnikaŭ. Učora ž u aficyjnym instahramie sietki Green paviedamili i dakładnuju datu adkryćcia — 30 krasavika.
Hipiermarkiet stanie pieršym dziejnym abjektam u bujnym handlovym centry. Vierahodna, heta padzieja stanie punktam adliku, nieŭzabavie tam pačnuć źjaŭlacca i inšyja arandatary.
Užo viadoma, što ŭ novym HZC vydzielenaja prastora dla fizkulturna-azdaraŭlenčaj zony. Pieramiaščacca pa pavierchach pakupniki zmohuć jak na eskałatarach (14 štuk) z travałatarami (4 darožki), tak i na liftach. Z šaści kabin, adviedzienych dla naviedvalnikaŭ, dźvie buduć z panaramnym vyhladam.
Pry hetym HZC Avia Mall budzie napramuju źviazany ź mietro.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie16
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary