Kamitet Siejma Litvy padtrymaŭ ideju anulavańnia DNŽ dla biełarusaŭ, što jeździać na radzimu
U čaćvier členy Kamiteta pa nacyjanalnaj abaronie adnahałosna padtrymali prapanovu kansiervataraŭ Łaŭrynasa Kaščunasa, Aŭdroniusa Ažubalisa i Vałdasa Rakucisa ab tym, što vydaču dazvołaŭ na žycharstva ŭ Litvie hramadzianam Biełarusi, jak i rasijanam, varta prypynić, kali ŭ ich niama dziejnaj vizy, piša LRT.
Na dumku Kamiteta, Dziejnyja dazvoły na žycharstva pavinny być anulavanyja, kali hramadzianie Rasii i Biełarusi ździejśnili pajezdki ŭ Rasiju abo Biełaruś bolš adnaho razu ciaham troch kalandarnych miesiacaŭ.
Na dumku kansiervataraŭ, u Biełarusi hetyja ludzi mohuć być zavierbavanyja śpiecsłužbami, im moža być daručana vykanańnie peŭnych raźviedvalnych funkcyj.
Vyklučeńnie budzie prymianiacca da pieravozčykaŭ i kiroŭcaŭ hruzavikoŭ, što jeduć tranzitam praz zhadanyja krainy, abo kali pajezdka mieła abjektyŭnyja pryčyny, niezaležnyja ad hramadzianina.
Na pasiadžeńni kamiteta ŭ čaćvier hetyja prapanovy byli padtrymanyja pradstaŭnikami prezidenckaj administracyi i Departamienta dziaržaŭnaj biaśpieki, ale padvierhlisia krytycy z boku bizn's-arhanizacyj.
«Jak my ŭžo nie raz kazali, my zadychajemsia ad pravierak. (…) Kab dziaržaŭnaja biaśpieka zabiaśpiečvałasia jakasna, hetyja prapanovy varta pryniać», — skazaŭ supracoŭnik DDB na ŭmovach ananimnaści.
Daradca prezidenta Litvy Maryjus Česnulavičus paćvierdziŭ, što Hitanas Naŭsieda i dalej prytrymlivajecca pazicyi, što da hramadzian Rasii i Biełarusi pavinny prymianiacca adnolkavyja abmiežavalnyja miery.
«My nie bačym roźnicy pamiž kremloŭskim i minskim režymami», — adznačyŭ jon.
Hienieralny dyrektar Mižnarodnaha transpartna-łahistyčnaha aljansu Poviłas Dryžas śćviardžaje, što ŭ transpartnych kampanijach Litvy pracujuć kala 36 tys. biełarusaŭ, i paśla ŭviadzieńnia sankcyj ich kolkaść pačała źmianšacca.
-
«Kapiejki zapłacić nie mohuć». Łukašenka aburyŭsia parterminavanymi zapazyčanaściami za arendnaje žyllo
-
«Ździek z žyvych istotaŭ». Biełarusy aburanyja ŭmovami dla katoŭ na vystavie «Murfest» u stalicy
-
U dačynieńni da biełarusaŭ u ZŠA byli vyniesienyja 52 pastanovy ab departacyi za niajaŭku ŭ imihracyjny sud
Ciapier čytajuć
U Minsku masažyst Andrej tajemna zdymaŭ hołych klijentak27
Kamientary