Jak minimum 148 čałaviek byli znojdzieny miortvymi ŭ Demakratyčnaj Respublicy Konha paśla taho, jak mataryzavanaja draŭlanaja łodka zaharełasia i pieraviarnułasia, piša Reuters sa spasyłkaj na miascovyja ŚMI i čynoŭnikaŭ.
Pavodle paviedamleńniaŭ, na sudnie znachodziłasia kala 500 pasažyraŭ, u tym liku žančyny i dzieci, kali jano pieraviarnułasia na race Konha.
Staryja draŭlanyja sudny źjaŭlajucca asnoŭnym vidam transpartu pamiž vioskami i časta zahružanyja značna bolš, čym mohuć umiaścić, adznačaje Reuters.
Sudna HB Kongolo zaharełasia niedaloka ad horada Mbandaka. Kala 100 tych, chto vyžyŭ, byli dastaŭleny ŭ impravizavanaje schovišča ŭ miascovaj ratušy, a tych, chto atrymaŭ apioki, dastavili ŭ balnicy, paviedamlaje Sky News.
Pažar pačaŭsia, kali žančyna hatavała ježu na borcie sudna.
Kamientary