Voś jak vyhladaje śpis dla mužčyn i žančyn.
Namieśnica hałoŭnaha doktara Minskaha haradskoha kliničnaha ankałahičnaha centra Iryna Majsievič raskazała «Minsk-Navinam», jakija vidy raka samyja raspaŭsiudžanyja ŭ žycharoŭ Minska.
U mužčyn heta rak prastaty, na druhim miescy — kałarektalny, na trecim — rak lohkaha. U žančyn lidziruje rak małočnaj załozy, na druhim miescy — kałarektalny, na trecim — rak cieła matki.
Pa krainie ahułam situacyja anałahičnaja.
Kab svoječasova dyjahnastavać rak prastaty, doktar raić zdać analiz kryvi na prastatśpiecyfičny antyhien (PSA). A pa dasiahnieńni 40 hadoŭ naviedvać urołaha raz u hod.
Vyjavić rak małočnaj załozy na rańniaj stadyi dapamahaje mamahrafija.
«Z 49 hadoŭ kožnaja žančyna pavinna jaje abaviazkova prachodzić. Heta dapamoža vyjavić rak na rańnich terminach, nievialikich pamieraŭ (da 2 mm) i svoječasova pačać lačeńnie, jakoje budzie efiektyŭnym. Dla žančyn bolš maładoha ŭzrostu mietad mamahrafii praktyčna nie infarmatyŭny z-za budovy małočnaj załozy, jakaja ŭ bolšaj stupieni składajecca z žalezistaj ščylnaj tkanki. Tamu pry renthienaŭskim daśledavańni navatvory možna nie ŭbačyć. U takich vypadkach pry abśledavańni hrudziej pieravaha addajecca UHD», — kaža Iryna Majsievič.
Jana dała parady pa praduktach, jakija varta ŭklučyć u racyjon.
«Harodninu, sadavinu, zielaninu, rybu. Miasajedam rekamienduju ŭžyvać indyčku, kurycu, mienš čyrvonaha miasa, asabliva śvininy. U našaj krainie jaje mnohija lubiać, ale treba vybirać pamiž smačnym i karysnym. Hatavać pažadana na paru. Zapiakańnie, tušeńnie, vareńnie taksama karysnyja dla arhanizma. U adroźnieńnie ad smažanaj ježy — padrumianienaj, z chrumstkaj skarynačkaj».
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary
žyvie za lik inšych
achtunh! u syna 100% niepierienosimosť jajca. pričiem luboho .dažie žiełtka pieriepielinoho.