U Minsku adkryŭsia pieršy aficyjny aŭtasałon Changan. Tam buduć pradstaŭleny čatyry madeli marki.
Samaja dastupnaja madel Changan u Biełarusi — heta krasovier UNI-S. Ceny na jaho pačynajucca z 82 800 rubloŭ, što składaje kala 28 300 dalaraŭ pa biahučym kursie za aŭto ŭ kamplektacyi Comfort.
Samy darahi varyjant u kamplektacyi Tech kaštuje ad 88 200 rubloŭ (kala 30 100 dalaraŭ). Va ŭsich vypadkach, niezaležna ad kamplektacyi, mašyny majuć tolki piaredni pryvad i turbiravany bienzinavy ruchavik abjomam 1,5 litra i mahutnaściu 181 k.s., jaki pracuje ŭ pary z 7-stupienčatym aŭtamatam.
Ceny na kupie-krasovier UNI-T pačynajucca z 89 200 rubloŭ (kala 30 500 dalaraŭ). Pad kapotam u jaho taksama 1,5-litrovy ruchavik i 7-stupienčaty aŭtamat. Praŭda, mahutnaść ruchavika mienšaja — 167 k.s.
U liniejcy Changan jość nie tolki krasoviery, ale i chetčbek. Pad kapotam u jaho taksama 1,5-litrovy turbamator i 7-stupienčaty aŭtamat. Ceny na madel UNI-V pačynajucca z 89 700 rubloŭ (kala 30 600 dalaraŭ).
Samaja darahaja madel — UNI-K. U adroźnieńnie ad inšych madelaŭ, hety krasovier maje ŭžo 2-litrovy ruchavik na 226 k.s., poŭny pryvad i 8-stupienčaty aŭtamat.
Ceny na jaho startujuć z 108 800 rubloŭ (kala 37 000 dalaraŭ) za viersiju Comfort i da 118 500 (kala 40 500 dalaraŭ) za aŭtamabil u topavaj kamplektacyi Tech.
Admietna, što ŭ liniejcy biełaruskaha dylera — aŭtamabili, jakija pracujuć vyklučna na bienzinie, a nie hibrydy abo «elektryčki», jak heta časta byvaje z aŭto kitajskich brendaŭ.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ16
Kamientary
Čamu jany da biełarusi nijak nie dajeduć?
sami-to oni tabunami na EV pieriesaživajutsia, a etot nielikvid po vsiem uhłam rassovyvajut.