18 чэрвеня ў Мінску збяруцца самыя крутыя блогеры з СНД — менавіта так сцвярджаюць арганізатары першага YouTube-фестывалю «Відак».
Нядаўна беларусы даведаліся пра тое, што хлопчык з інтэрнэту накшталт Улада Бумагі здольны сабраць у адным месцы некалькі тысяч фанатаў-прыхільнікаў, але насамрэч такіх, як ён, даўно ўжо шмат. «Відак» дае моладзі магчымасць пазнаёміцца з новымі зоркамі ўжывую: на фестывалі можа будзе пагутарыць са Стасам Давыдавым, Дзмітрыем Ермузевічам, Юляй Гадуновай, Прыемным Ільдарам, LizzzTV і іншымі.
У футбольным манежы таксама выступіць Андрэй Мартыненка — скандальны блогер з Украіны. Адзін з яго самых папулярных відэаэксперыментаў, дзе хлопец сваёй спермай апладняе курынае яйка і вырошчвае гамункула, паглядзелі больш за 6 мільёнаў чалавек.
Акрамя таго, у праграме чакаюцца адукацыйныя лекцыі, выступленні спецыялістаў youtube-сферы, аўтограф-сесія, праца тэматычных зон, фуд-корт, а таксама канцэртная праграма з удзелам Дзмітрыя Камінскага, L-Jane, Homie і хэдлайнера — гурта «Хлеб».
Набыць квіткі на мерапрыемства і даведацца пра іншыя падрабязнасці можна на афіцыйным сайце.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага14
Каментары