Жанчыну з Фаніпаля асудзілі на паўтара года «хатняй хіміі» за ўдзел у пратэстах
У судзе Дзяржынскага раёна 2 жніўня асудзілі Вольгу Колас паводле ч. 1 арт. 342 (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Суддзя Таццяна Фядчук прызначыла Вользе адзін год і шэсць месяцаў «хатняй хіміі», піша «Вясна».
Вольгу абвінавацілі ў тым, што яна роўна тры гады таму, 14 і 15 жніўня 2020 года, удзельнічала ў пратэснай акцыі ў Фаніпалі і выходзіла на праезную частку. Жанчына была пад вартай з 3 мая 2023 года. Яна цалкам прызнала віну і раскаялася ў здзейсненым.
На пратэсную акцыю жанчына ўзяла ружу белага колера і белую стужку. На судзе Вольга паведаміла, што нагодай выйсці на мітынг стаў гвалт з боку сілавікоў пасля правядзення прэзідэнцкіх выбараў.
Жанчыну апазналі на фотаздымках з акцый пратэстаў.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары